لطمية تقله يا بشر مكتوبة

 

الرادود باسم الكربلائي

 

 

تگله يا بشر بشِّر
شنو من اولادي ما سالم
المناحر والچفوف تروح
فدوة لكل بني فاطم
سمعت نعيك يبن حذلم
وانا بلحظتها حيلي انهار
بيثرب لا مقام إلكم
تصيح ومدمعك مدرار
احسين بكربله جسمه
وراسه على الرمح يندار
عسن اولادي هم مثله
بمصارعهم هووا لجله
أريد الأربعه قتله
فلا تگلي رجع واحد
وهذا ويه الضعن قادم
إذا عندك بشاره اليوم
سولفلي عن المصرع
شوكت طاحو بشر وشلون
شنهو من أعضائهم اتقطع
أبو فاضل حلفت عليه
يضحي رابع الأربع
ردت من عنده يتأكد
البرز للمعركة ما رد
الثلاثة كلمن استشهد
عگب ما ينظر دماهم
اهنا يبرز گمر هاشم
بشر لو ما تبشرني
اعيوني من البچي يعمن
بنيني وآمنت بيهم
لچن خل قلبي يتطمن
إذا لحسين ما ضحوا !
جبتهم ليش واعليمن
نذرت لحسين أنطي نفوس
دگلي طاحت أربع روس
وحوافر عالضلوع تدوس
بشر بشرني وأدعيلك
الزهره تقبلك خادم
يگلها وتخنگه العبره
وحق اللي لهفتج بيهم
بنينج بيضو وجهج
مثل ابيض مواضيهم
سوح المعركة اختلت
من ارتجزوا باساميهم
بطل عبدالله بالميدان
مهيب بحربه جعفر چان
شديد على النظر عثمان
ملك عالمشرعه العباس
إجاها غاضب وناقم
بنينج بالحرب چانوا
حيادر من ظهر حيدر
بدماهم وجهوا چلمه
يايمه حضنج مشكر
العطش لو ما فتك بينه
چان الناتج اتغير
وچان اختلفت القصه
أمية تجرع الغصه
واريد ابني انا الگصه
ولا ثنه اعله صدر حسين
شمر واعله الذبح عازم
يحره بدمهم الينزف
حليبج بين افعالج
رباج بكربله حاضر
جهادج خاضته رجالج
يهنيال البنين عليج
وعليهم يهنيالج
يوم التنتشر هالناس
يجيني مگطع من الراس
منو بگدج يا ام عباس
ياخت الزهره تنده لج
يهلي بي القبر قاسم

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x