موشحات ومدائح ميلاده مكتوبة
الرادود باسم الكربلائي
ميلاده مبروك يهادينه
و الحيدر انگول تهانينه
بجناحه كاتبها الوحي و اقره
مبروك الك يالهادي و الزهره
و الحيدره من السمه بشره
ثالث ضياء ابواحة العترة
من المهد نور يدلينه
و الحيدر انگول تهانينه
نوره ابمهد و الزهره تقراله
صلي على طه النبي و آله
اشرق بدر من اول هلاله
وجه الحسن بالظلمة يتلاله
خضر بالورد يوادينه
و الحيدر انگول تهانينه
حور و ملايك زخرفت مهده
جده محمد قّبله ابخده
راح الخريف و فتحت وردة
بحر الكرم هاج و طفح مده
عينه الگهوته و فناجينه
و الحيدر انگول تهانينه
هذا الحسن و اليوصل الداره
ينسه الهموم و ياخذ ابشاره
راعي المكان و كلها خطاره
حاتم لوّن حي ما يشب ناره
شهر الكرم لاح على اجبينه
و الحيدر انگول تهانينه
سيف و كرم و السجدة عنوانه
ابن الصميدة و هذا ميدانه
ليل و نهار امشرعه بيبانه
اهلا و سهلا يلهج السانه
طاب الفرح طاب يوالينه
و الحيدر انگول تهانينه
دمعة غريب و صابر و صايم
ربي بجاه المصطفى و فاطم
اكفينه شر الباغي و الظالم
كلمن يضد من حاسد و ناقم
اقبلها دعواي يبارينه
و الحيدر انگول تهانينه
play_arrow
play_arrow
play_arrow
play_arrow
play_arrow
play_arrow
تعليقات