قصیدة : وينهم مابينو اولاد ابوي
الشاعر: السيد عبد الخالق المحنة

الرادود : الحاج ملا بلاسم الكربلائي
 المناسبة : استشهاد السيدة زينب (ع)/1440هـ
 جامع وحسينية الرسول الاعظم _بغداد

وينهم ما بينو اولاد ابوي
وانا ادري اخواني ما ينسوني
عاد قدام ليكرهوني اقول
عندي اخوة ومن صحت حضروني
******
صبّرت قلبي وقلت هسه يجون
هيه شوفتهم تغمض عيوني
هم متل باقي النسه عندي طموح
ولدي واخواني وهلي يشيعوني
******
رايده كل اخوتي تمشي وراي
حسين اريده وكافلي يشيلوني
خل ابو اليمه يرى شيب الرموش
وخل ابو فاضل يشوف متوني
******
من يقلهم بالنيابة هالكلام
ليش لسياط الشمر عفتوني
من يقلهم عالشريعة شقد بجيت
من صحت بويه علي وضربوني
******
من يقلهم اني حجبت الحجاب
تالي بحبال اليسر قادوني
من يقلهم حتى لو ميتة انوح
من كثر ما باليسر هضموني
******
من يقلهم لو طحت من السياط
برفسة وبشتمة ترى يقعدوني
ها كثر شمات عدنا ما دريت
عيد عدهم بالسبي يشوفني
******
انا ودي متل اخوتي من اموت
هم ثلاثة على الثرى يخلوني
خلي تكويني الشمس متل العزيز
وبالحوافر خلهم يسحقوني
كون اموت وانا مقطوعة الجفوف
وريت سهمين لتصيب عيوني
******
الابوذية
زماني اشما اطفي هاي وجهاي
مشيت اتلبد وللنهر وجهاي
اريد الزم جفوفك وطق وجهاي
لحد ما توقع ويديه

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x