Mon20210118


هالله هالله

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
هالله هالله - باسم الكربلائي
تاريخ الاضافة
2020-03-24
المشاهدة
163
المدة
00:00:00
عدد التحميلات
117

نص هذا المقطع

قصيدة : هالله هالله
الشاعر : سيد عبد الخالق المحنه
الرادود : الحاج ملا بلاسم الكربلائي
المناسبة : ليالي أم البنين ع ، ليلة 14 جمادى الآخر 1441

هالله هالله هالنعش من يحمله
إلا گلبه منچوي ابطف كربله
يعني يحمل واقعه .. بيها مقتل اربعه
******
يشترط باللي يشييع هالوفيه
كل حياته يبچي لمصاب الزچيه
شايل جروح على كبر الغاضريه
عنده غيره والعمر صفنة سبيه
هالنعش ما يحمله الما بي حزن
عالأقل فاگد اخو وفاگد ابن
خل يشوف بمدمعه .. بيها مقتل اربعه
******
مو قضية ضحت وصارت أميره
هذا حب حسين خلاها چبيره
هيه حرمه لكن تعادل عشيره
هيه ما متأسره بس عاشت اسيره
عاشت اهموم اليسر ويه الحرم
عاشت اعله المشرعة طيحة علم
والنعش چن مشرعه .. بيها مقتل اربعه
******
علمتنه الخدمة آخرها سلامه
والوفه لأهل الوفه هيبة وكرامه
علمتنه المو وفي ناقص شهامه
واليطخ راسه فلا ينصر أمامه
دنيه هذي والمواقف تنحسب
بالشدايد ينعرف منهو اليحب
والنهاية الموجعه .. بيها مقتل اربعه
******
يالتحفرون القبر وسعوا لحدها
حتماً الزهره تجي وتحضر ولدها
من تشاهد زينب ودمعه اعله خدها
يعني مأتم بالقبر هالليلة عدها
وآ حسيناً نادت بمدمع يهل
والزچية جاوبت يا أبا الفضل
خل تعود الفاجعه .. بيها مقتل اربعه
******
يا ابو فاضل ماتت امك من حزنها
ما تعيش الوالده الذبحوا ابنها
هالغريبة بكربله رادت وطنها
حسره ظلت تحضر تلفها بچفنها
هيه تدري ما يجيها المنذبح
بس تمنت حتى لو يرجع جرح
نظرة وحده لأصبعه .. بيها مقتل اربعه
******
من ابو اليمه إنذبح گطعوا هواها
والتفگدتك يا گمر ! تفگد ضواها
احنه يمك سيدي ونطلب رضاها
بجامعة حبكم يدرسونه وفاها
هالمصيبه الجمعتنه بحضرتك
من بچينه ادري نزلت دمعتك
دمعه والناعي نعه .. بيها مقتل اربعه
******
يا غيور بحضرتك نرفع ادينه
غيبة المهدي تره طالت علينه
سيدي هاج البحر واحنه السفينه
ننتهي لو ما ابو صالح يجينه
ليله ليله ساعه ساعه ننتظر
ما اجانه والكسر فوگ الكسر
والچفوف المُشرعه .. بيها مقتل اربعه

المرسل: الخميس, 10 كانون1/ديسمبر 2020