Thu20210506


خانوك بويه اصحابك

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
خانوك بويه اصحابك - باسم الكربلائي
تاريخ الاضافة
2020-03-14
المشاهدة
182
المدة
00:06:55
عدد التحميلات
176

نص هذا المقطع

قصيدة : خانوك بويه اصحابك
الشاعر : علي سعيد الطائي

الرادود : الحاج ملا بلاسم الكربلائي 
 ليلة 26 صفر 1441 هـ

خانوك بويه اصحابك
جازوك حرگوا بابك
******
وحق القل هو والناس والكوثر
كل يوم بغيابك حسرتي تكبر
وصيته وسكت يا والدي حيدر
عرفوا بالوصية وداسوا عتابك
******
اشگد انطيتهم من منزله ما عد
أمة تقابل بطغيان ذاك الود
نسوا فضلك الچانوا ياكلون القد
وصاروا خير أمة بمنهج اكتابك
******
عافوك وبقى وياك بس خلك
گعدوا قرروا والمرتضى يغسلك
ويشكيلك اسمعه بونته يگلك
ماهم الغدرهم هامني صوابك
******
الـشـين شـما تسـويله هـذاك الـشيـن
الاخذ حگ ذوي القربى من الحسن وحسين
عـينك غمـضت وتفتحت چـم عين
انكسر خاطرهم وما ناشف ترابك
******
بويه ادور اسولفلك ألم وضعي
ولو تشرح عذابي ونتي ودمعي
بويه هواي يوجعني كسر ضلعي
وابن بتك وگع عالعتبه يغيابك
******
فدك والدنيا ما همتني بس همي
يم حيدر لان بس هو ظل يمي
اخذو روحي من اخذو وروح امي
ولو شايف شلون نرعبت احبابك
******
حزني وألم ضلعي صواب ما يبرد
ومثل نيران بابي گلبي ما يخمد
جروحي يا محمد لو اعدها اشگد
اصبر من اشمن ريـحت ثـيابـك

المرسل: الخميس, 10 كانون1/ديسمبر 2020