Tue20211026


سلاماً عالجنازة

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
سلاماً عالجنازة - باسم الكربلائي
تاريخ الاضافة
2020-02-24
المشاهدة
295
المدة
00:00:00
عدد التحميلات
195

نص هذا المقطع

قصيدة : سلاماً عالجنازة
الشاعر : ايهاب المالكي

الرادود : الحاج ملا بلاسم الكربلائي
 المناسبة : ليلة 12 جمادى الاخره 1441 هـ
العتبة العباسية المقدسة

سلامًا عالجنازة والحملها
يشيعها الصبر والغيرة كلها
تلگتها السمه .. وريثة فاطمة
******
الوفه اعله جفاها الجروح بطوله
ابدمع يتسائل مشت معقولة
النعش اوصافه بصدق منقولة
ابمتن جنازة الشمس محمولة
عبر حزن الموادع ديره ديره
مشت ذيج الوقورة الكلها غيره
صبرها ملحمه .. وريثة فاطمة
******
ولا حيرها گلبها البارد
حلاة الصادق يحطلك شاهد
تودع ارباها وداع الزاهد
تصفهم واحد نذر يم واحد
اذا كل امرأة تربي مثلها
تغطي هالقباب الدنيا كلها
ولا الف زلمه .. وريثة فاطمة
******
ابظناها توصي ابگلبها العامر
امشي عليكم حليبي الطاهر
ابا عبدالله عليكم يآمر
يگلكم موتوا اجيبوا حاضر
اذا گلكم منو يوفيني وعده
اريدن اربعتكم انه وحده
يذخر الموزمه .. وريثة فاطمة
******
عجيبة وبيها خصال اهوايه
حنين وغيرة شموخ ورايه
ابمواقفها لگه يقين وغايه
احس كل موقف يجسد اية
مواقفها قمة بالصياغة
اشبهها مثل نهج البلاغة
مواقف حاسمه .. وريثة فاطمه
******
بشر من گلها فگدتي الكافل
حجتها ابهيبة شهم يستاهل
انه موصيته اعله حگه يقاتل
واعرفه بسيفه يعدل المايل
بشر فدوة الجفوف وفدوة عينه
انشدك عن ظناي حسين وينه
احست بالضمه .. وريثة فاطمة
******
تلگت زينب عزاها تقيمه
تگلها احجيلي اعله ذيج الهيمة
خبر والظالم امر تعتيمه
منو اللي اتجرأ يمس الخيمه
اجه ابالي سؤال الزهره توه
من الطارق على باب النبوه
منيه قادمه .. وريثة فاطمة
******
تعرف الدنيا كرحلة قارب
والف هنياله الوفي الصاحب
مشت واحتار ابوصفها الكاتب
على اكمل صورة اتمت واجب
ولا خلفت وعدها للمنية
وفيتي والنعم حره ابدويه
لحسن الخاتمه .. وريثة فاطمة

المرسل: السبت, 12 كانون1/ديسمبر 2020