Sun20210509


سافر نعشها

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
سافر نعشها - باسم الكربلائي
تاريخ الاضافة
2020-02-24
المشاهدة
292
المدة
00:00:00
عدد التحميلات
119

نص هذا المقطع

قصيدة : سافر نعشها
الشاعر : احمد الذهبي

الرادود : الحاج ملا بلاسم الكربلائي
 المناسبة : ليلة 13 جمادى الاخره 1441 ه

سافر نعشها فاطمة الوفيه
واستقبلتها فاطمة الزجية
ام الگمر وام الحسين
موعد لقاء الفاطميين
******
عرفت ام حسين .. بالنعش قادم
تلگته ابحياج .. يم گمر هاشم
دمعة ام عباس .. جاوبت فاطم
سامحيني اعليج .. بالنبي الخاتم
ضلعج انتي ينوح .. من كسر ظالم
واني جيت اشلون .. والضلع سالم
يا ريت اجوني الهجموا اعله بيتج
واضلوعي كلها مكسرة امن اجيتج
يبقى برگبتي هذا دين
موعد لقاء الفاطميين
******
دمعة الزهراء .. شرحت الصورة
تگلها لا تبجين .. والله معذورة
ماكو أي تقصير .. وانتي مشكورة
المثلج ابهالناس .. واجب نزوره
ريت انه بالباب .. روحي معصورة
ابكربله اعله حسين .. انتي مكسورة
قدمتي لجلي اربعة بوفائج
والليلة فرحانه تره ابلقائج
نفس الجرح احنه الثنين
موعد لقاء الفاطميين

******
اربعة انطيته .. قاتلوه دونه
لو عشيرة اولاد .. ما يساوونه
اشعر بتقصير .. واني ممنونه
ما جبت عشرين .. بس يخدمونه
سيدي ومولاي .. من ينادونه
هو غير حسين .. فدوه لعيونه
خادمته انه وخادمه الجنابچ
يا من سترها الدنيه من حجابچ
مو عالم انتي عالمين
موعد لقاء الفاطميين
******
هذا يا تقصير .. يا بعد ناسي
رفعوا الغاليين .. راسج وراسي
الكربلا ابعاشور .. سافر احساسي
والوفه اشتميت .. عطره بنفاسي
الاترف امن الماي .. عالخصم قاسي
شافه گلبي وصاح .. هذا عباسي
گطعوا يمنته ويسرته ووريده
كلهن تركهن ما ترك عضيده
شايل جربته ابلا ادين
موعد لقاء الفاطميين
******
اتلاگن النورين .. گمره اويه گمره
والتقن بالموت .. العبرة والعبرة
دمعة ام عباس .. تشكي للزهره
ودمعة الزهراء .. نزلت بحسرة
چنها وحده تريد .. تحجي للاخره
لوعة المگطعوع .. خنصره ونحره
صارن اميرة تشتكي الاميرة
عاللي وصاله انجمعت ابحصيرة
وجهه العزيز ابلايه عين
موعد لقاء الفاطميين
******
اتگلها يم حسين .. مدري ليش آنه
اسمچ امن يفوت .. ابقه خجلانه
ضلعج المالوم .. عايش اويانه
هو صح مكسور .. خيره غطّانه
اشتكيلج حال .. اعظم انسانه
عاشت ابلايج .. ورده ذبلانه
راحت سبيه من بعد وليها
شيّب گلبها من تعب سبيها
تنطي الوجه ما تدري وين
موعد لقاء الفاطميين
******
الجابت العباس .. عاشت وتسلم
خلته اويه حسين .. بالوفه امحزم
شفته صوب الماي .. لمّن اتقدم
المخيم طاح .. فوگ المخيم
وانتي من تحجين .. ويه ابن حذلم
من وفائج طاب .. ضلعي المهشم
انتي الوفيه الغالية علينه
عاشوا ولدنه ابروحج الحنينه
شلتينه بين الخافقين
موعد لقاء الفاطميين

المرسل: السبت, 12 كانون1/ديسمبر 2020