مظلومة الزجية

القصیدة : مظلومة الزجية نصيح
الشاعر : ميثاق الحمداني

الرادود : الحاج ملا بلاسم الكربلائي
المناسبة : ليلة 23 جمادي الأولى 1441
المكان : حسينية قصر الزهراء الكاظمية

مظلومة الزجيه انصيح
للمحشر يظل هالصوت
قسمنه بضلعج المكسور
نحيه بخدمتج ونموت
*******
يالزهره خدمتج هاي
انغرست وانسكت بينه
الحمد لله وجوب نكول
نشكر دوم تلكينه
خدمتج نعمه من الله
والله يزيدها اعلينه
وبكل فرض دعوتنه
يري ترضه خدامتنه
اعله حب الزهره ثبتنه
ما نترك طريقج يوم
من المهد للتابوت
*******
يالزهره نريد رضاج
رضاج اعله البشر رحمه
طبعنه نوالي من والاج
وحكج مو فقط خدمه
عرفنه اليترك اهل النور
كحال اليدفر النعمه
يبنت النبي وهادينه
ولا عفناج وانسينه
يرحمه ونزلت اعلينه
طلعنه بخدمتج للنور
طلعة يونس امن الحوت
*******
كريمه وعالمه ومعطاء
عطائج فاطمه شكبره
الخادم من يجيله الموت
بيوم ومن يحين امره
اعله كبره الوادم يكتبون
خادم فاطمه الزهره
وليخدمج ملك جنه
حتى بموته يتهنه
بكبره ريحة الجنه
وبعد جوه التراب يصير
يم الحسن نورج قوت
*******
كالوا بالحشر باجر
تتقسم الناس اقسام
سره لهل العلم نلكه
وسره للكفلوا الايتام
بهيده لجنته يدخلون
واسرعهم سره الخدام
اليخدمج ربج يعوضه
التقبلينه شكبر حظه
يجي وي قمبر وفضه
بهالساعه بخت ينراد
ورضاح الحصله مبخوت
*******
وحك كلبج الشابع ظيم
وحك عينج وسايلها
وحك ضلعج الما ننساه
والدمعه اللي نهملها
اذا بطلنه يوم نعيش
خدمتج ما نبطلها
وحك فركاج وي حيدر
شما بينه الوكت يفتر
نخدمج اكثر واكثر
طبع جالوت بالخدمه
ما همنه الف طالوت