لطمية خدمتك مكتوبة
الرادود باسم الكربلائي
خدمتك واليخدمك ما هو خاسر
وجودي وكل حياتي بالشعائر
يبو اليمه الك مخلوقه عيني
كتبت اسمك حبيبي في جبيني
لقب عندي انه العبد الحسيني
ودمع عيني الك يسوه الجواهر
يبو اليمه ابعشگ لمّن خدمتك
اريد ابوجهي الابيض ارضي امك
بعد قربني يمك حتى اشمك
واظل دوم ارثي جرحك عالمنابر
على شفافي ابعطش اسمك كتبته
حزن يومك جرح بأعماقي شلته
سلام الله على المسبيه اخته
اصيح ابكل وكت واجري المحاجر
احبك حب وهب يا ضي العيون
يلوموني وگلت خلهم يلومون
مثل عابس صرت بيك آنه مجنون
يبو اليمه واحس بأنفاسي حاضر
عشگتك والعشگ مالك خيالي
ويبو اليمه تظل دوم اعله بالي
ابحياتي ودنيتي بس انته غالي
ومصابك شيّب ارموش النواظر
آنه الثابت الك حبه وغرامه
اموت وما اعوفنها الخدامة
احبك والحزن اوضح علامه
عليك ابصدري عبرات وحوافر
اريد اگضي العمر خادم عزائك
ولا تحرمني من دمعة رثائك
واذا صار الحشر ضمني ابردائك
عليك الزهره لا تنساني باجر
play_arrow
play_arrow
play_arrow
play_arrow
play_arrow
play_arrow
تعليقات