لطمية بدمعة الخدمة دعينه مكتوبة

 

الرادود باسم الكربلائي

 

 

بدمعة الخدمة دعينه
ادم هالنعمة علينه
لا تفرق بيننا وبين الحسين
 
بينه وبين اللي رد
جنحان فطرس بالمهد
لا تفرق بيننا
طرفة عين للابد
حسين ابونه بالرواجب
والابو سره الولد
وخدمته معروفه عدنه
ورث عن اب وجد
بخيمته يحله شملنه
حسين ابو الاكبر وطننه
لا تفرق بيننا وبين الحسين
 
گلب كل عاشگ محرم
بالدمع دگ بابه
ما نزعنه الثوب الاسود
عالسليبه اثيابه
انعيش من انموت احنه
و نحترگ بمصابه
حسين اللي يحبه ويريده
للمجالس جابه
ينادي يحسين ابخدمتك
عايش ابخيمة رحمتك
لا تفرق بيننا وبين الحسين
 
ابطاري ابو اليمه السوالف
تحله طول سنيني
مو فقط تارسها عيني
هو اصلا عيني
ابجاهه وادري اشگد تحبه
رضه حسين انطيني
من يباوعلي ابنظرته
هاي بس تكفيني
ناتج الغالي العشگته
من يحبني اتحبني انته
لا تفرق بيننا وبين الحسين
 
غيمة گلب حسين يمطر
عالخلگ حنيه
روه العطشان المحرم
دمعة انسانيه
انموت من دون المجالس
شنسوه لو ما هيّه
يعني ناس ابلا مشاعر
بلا ضمائر حيه
حب الحسين الحيانه
والد وعشنه ابحنانه
لا تفرق بيننا وبين الحسين
 
تعلمت ما افشي حبنه
يبقى بيني وبينه
من ازغر روحي يمه
اكبر اني ابعينه
حسين لو انطيه حياتي
ما افك من دينه
انه وگلبي من جروحي
ربي لــتعافينه
من ترابه كونتني
انه منه وهو مني
لا تفرق بيننا وبين الحسين
 
ما عشت وياه لكن
هو عاش ويايه
حسين وياه ارتباطي
مثل جف ورايه
كلمة الخادم قليلة
حسين عنده اهوايه
عبد ابو الاكبر الهي
احلى مهنة هايه
سيدي اليامر وينهي
هو حافظ ماي وجهي
لا تفرق بيننا وبين الحسين
 
دوم مختار اليحبهم
توفق اللي يريده
تخلي للقدر نعمته
الخير كله ابأيده
تره الما ينصف امامه
اي عذر ميفيده
اليبتعد عن الحسين
الرحمة عنه بعيده
الما يخلي حسين والي
ما له اول ماله تالي
لا تفرق بيننا وبين الحسين
 
كلشي لعيون ابو الاكبر
لليجيلك گاصد
تنطي گتله حلفتني
انته باغلى واحد
رأفته وطيبة حنانه
الـ هالكلام الشاهد
الگاعد ابصحنه كأنه
جوه گلبه گاعد
ما تسد بابك علينه
وانته شفت حسين بينه
لا تفرق بيننا وبين الحسين
 

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x