Thu20201126


أزورك من على الناقه

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ازورك من علي الناقه - باسم الكربلائي
تاريخ الاضافة
2019-11-30
المشاهدة
299
المدة
00:12:17
عدد التحميلات
96

نص هذا المقطع

قصيدة : أزورك من على الناقه
للشاعر : حاتم صبري الكاظمي
 المناسبة : ليلة 22 محرم 1441 هـ

 طور : رسالة_توصل_المشهد
 حسينية ام الحسن موكب اخوة زينب - الفاو


ازورك من على الناكه
إخت وبغربه مشتاكه
هالاحساس .. هالاحساس
ابسلام ودمعه وياهه
زيارة وارث اقراهه
على الراس .. على الراس
?◾️◾️◾️◾️◾️?
توجهت وصحت وبشيبي الجروح
سلام الله يوارث آدم ونوح
سمعت ابزينب اختك بالسبي تروح
إجيت اوياي بس ابراس مذبوح
توضيت ابشفق نورك .. انه اول زايره اتزورك
عالرماح .. عالرماح
بسم كل غالي فوگاها .. زيارة وارث اقراهه
على الراس .. على الراس
?◾️◾️◾️◾️◾️?
لقد عظُمت يبو اليمه الرزايه
لقد جلت بأن نطلع سبايه
بعد عينك مشيت ابلا حمايه
ولو راسك اشوفه ابعيني رايه
عليك اشما نظر يـربي .. الرمح بي انته لو گلبي
يغالي .. يغالي
يشايل كل حسن طاهه .. زيارة وارث اقراهه
على الراس .. على الراس
?◾️◾️◾️◾️◾️?
سلام اجروحي ليك الگلب ماناح
يما مرتاح بس العدو مرتاح
قريت الكهف ياقُرآن الجراح
أول مره اشوفك فوق الرماح
سلام الله على اجروح .. يشايل زينب ابروحك
والعيون .. والعيون
شفتني ابچي معناهه .. زيارة وارث اقراهه
على الراس .. على الراس
?◾️◾️◾️◾️◾️?
اورثت داود بس للآن المحك
اشعجب مانام جوه الراس رمحك
يوجه الخير بالدم غاب صبحك
گلبي صار خويه ابلون جرحك
وكت خلاك تاليه .. ذبيح وآنه مسبيه
اوغريبه .. غريبه
انه الـ بس ضيم راواهه .. زيارة وارث اقراهه
على الراس .. على الراس
?◾️◾️◾️◾️◾️?
يوارث موسى كلم جرحي وتشوف
ولو عينك رمل بيها من الطفوف
الرمح مگدر الوحه زرگه الچفوف
چف العافيه بالحبل مچتوف
حجت لك حالتي ادموعي .. الشمر بالرمح لضلوعي
كسرها .. كسرها
القلب رغماً على آهه .. زيارة وارث اقراهه
على الراس .. على الراس
?◾️◾️◾️◾️◾️?
قصدتُ حرمك أحرم بالدموع
وانته حرمك عالرمح مرفوع
كوه من الرمح كالولي منزوع
احظنك ردت بس ماعندك اضلوع
وكفنه وانته جابولي .. حظنتك وانكسر طولي
يظهري .. يظهري
جبهتك امسح ادماهه .. زيارة وارث اقراهه
على الراس .. على الراس
?◾️◾️◾️◾️◾️?
شمسوين بيك وعاينيتك
متربه ويابس الدم بلحيتك
محفور النحر لا ما دريتك
الرمح خطارك وفاتحله بيتك
گلتلي امغيره اعيونچ .. يزينب بالسبي اشلونچ
يخويه .. يخويه
گلتلك من بديناهه .. زيارة وارث اقراهه
على الراس .. على الراس
?◾️◾️◾️◾️◾️?
ابخرابه من تلاگينه سويه
وانه امشي تعاين بس عليه
تگلي وامسح ابشيبك بديه
اجه موعد لقائي وي رقيه
التقيتوا الشبگه بالشبگه .. اشحلاة الأبو بالملگه
اويه بنته .. اويه بنته
امس گالت سمعناهه .. زيارة وارث اقراهه
على الراس .. على الراس

المرسل: الأربعاء, 18 كانون1/ديسمبر 2019