Wed20211020


يافرج الله

جليل الكربلائي

يافرج الله جليل الكربلائي
جليل الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يافرج الله - جليل الكربلائي
تاريخ الاضافة
2012-01-07
المشاهدة
4331
المدة
00:08:17
عدد التحميلات
776

نص هذا المقطع

قصيدة : تــدري اشـصـار  يـالـمـهـدي

الشاعر : الأديب هيثم سعّودي الكربلائي

الرادود : الحاج ملا جلیل الكربلائی

 

تــدري اشـصـار .... يـالـمـهـدي
هــاك  أخــبـار .... يـالـمـهـدي
حــان الــثــار .... يـالـمـهـدي
يــــا           فــــرج          الله
******
يـنـوح  الـعالم الليله و دمعته ابعينه مذروفه
وأنـه  اتـهاوه القلم ووقع دامي عله احروفه
يبو  صالح عمت عيني لون تدري اشفت شوفه
شفت  مرقد علي الهادي انهدم و القبه مقصوفه
حـيـلـي انـهـار .... يـالـمـهـدي
عـقـلـي احـتـار .... يـالـمـهـدي
و  الــدم فــار .... يــالـمـهـدي
يــــا           فــــرج          الله
******
اوقفت مذهول يالمهدي و أشوف ابعيني هالمنظر
و أخـذنـي عالم الذكره و بقيع الغرقد أتذكر
مـراقـد  أربـعـه طاحن ووجه هالعالم اتغير
و  عـدنـه مرقد الأطهار كعبه اشلون تتفجر
الــكــون انـدار .... يـالـمـهـدي
و الأقــمــار .... يــالــمـهـدي
اتــهــل أعـبـار .... يـالـمـهـدي
يــــا           فــــرج          الله
******
يـمـهـديـنه الكفر كله علينه ابظلمه يتماده
و أفـعـال الـلـئـيم ايزيد يتوارثها أحفاده
أمس  رسموا نبي الرحمه بإساءة شخصه و أمجاده
و  الـيـوم إلـهم الأذناب تهدم مرقد أولاده
عــالـمـخـتـار .... يـالـمـهـدي
و الأطــهــار .... يــالــمـهـدي
و     الأبــرار    ....    يـالـمـهـدي
يــــا           فــــرج          الله
******
الأمـم  مـن  تهتدي ابقاده تعظمها و تمجدها
و  تـقـيم إلها نصب تذكار يذكرها و يخلدها
لـكـن  زمـرة التكفير هالفكره تقف ضدها
و  آثـار  الـبـقيع اليوم ظلت من شواهدها
بــس آثــار .... يــالــمـهـدي
بــلايــا أنــوار .... يـالـمـهـدي
و لا أســوار .... يــالــمــهـدي
يــــا           فــــرج          الله
******
عـبـيـد  النار يالمهدي رغم خست عقايدها
تـقـصـد تـعبد الأوثان و اتناجي ابمعابدها
و  مـراقـد عـترة الهادي إذا الزوار تقصدها
شـرار  الأمـه تـقـتـلها و مآسينه تجددها
و فـتـحـوا الـنـار .... يـالـمـهدي
عــالــزوار .... يــالــمــهـدي
ازغــار اكــبـار .... يـالـمـهـدي

يــــا           فــــرج          الله
******
ظـلـم  و إرهاب يالمهدي ما صح بالدهر منه
و  فـعـل  أشـرار هالأمه أنقل لك خبر عنه
يـذبـحـون الـيـجي زاير و الذباح يتمنه
كـل عـشـره الـيذبحوها يدخل بيهم الجنه
أهــل الــعــار .... يـالـمـهـدي
ابــهـا الأفـكـار .... يـالـمـهـدي
اتــشـب الـنـار .... يـالـمـهـدي
يــــا           فــــرج          الله
******
طـفح كيل الصب بينه و علينه ضاقت الوسعه
و  آرامـل ظـلت و أيتام تنحب ثاقله و تنعه
يـنـوح الـيوم موطنه و لا من يرحم و يرعه
و الأحـزاب يـالـمهدي كلمن يعمل الربعه
الاســتــعـمـار .... يـالـمـهـدي
طــب لــلــدار .... يـالـمـهـدي
يــا لــلــعـار .... يـالـمـهـدي
يــــا           فــــرج          الله
******
و  لـو عـظـم الجريمه اليوم فجرها المدامعنه
لـجـن سـاعـة الـشدات معروفه صنايعنه
احـنـه مـن عـلـي الكرار مجبوله طبايعنه
و الله نـحـرق الأشـرار لـو تقبل مراجعنه
هــذا إنــذار .... يــالــمـهـدي
و احــنـه أحـرار .... يـالـمـهـدي
مــن نــخـتـار .... يـالـمـهـدي
يــــا           فــــرج          الله
******
يـبـو  صـالح أيمتنه كواكب تزهي كالفرقد
إذا هـدمـوا مـراقدهم قلبنه الكل ولي مرقد
أيـمـتـنـه هدات الدين إشهد يالولي إشهد
و  عـلـه  حبكم ياوالينه عهد جلمتنه تتوحد
جــالأنــصــار .... يـالـمـهـدي
بــالإيــثــار .... يــالـمـهـدي
و  الإصــرار .... يــالــمــهـدي
يــــا           فــــرج          الله

المرسل: الأربعاء, 19 أيار 2021