عمه عمه

قصيدة : عمه عمه
للشاعر : حمزة السماوي
 المناسبة : رثاء السيدة رقية(ع)
ليلة 5 صفر 1440 | آل بلاغي

عمه عمه ماكو رحمه
و المشه الله يسلمه
*****
هالعلاقة تميزت ما بين الاثنين
اخت الحسين و رقية و بنت الحسين
تسولفلها قصة حتى تغمض العين
كان ما كان خدر ظل بالصواويين
ضيعونه سلبونه
هيه فزعه و هيه هجمه
*****
الزمن غيرنه بصحاري الغاضرية
الما رحمني ما يحرمج يا رقية
بالقصور استانست اطفال اميه
بالقبائل هايمه اطفال الزجية
سفرونه شتمونه
و اليتيم تكتله شتمه
*****
صدرج بدخان خيمتنه تنفس
و النحر من يبست شفافج تحسس
انتي دورتي ابوج و مو فقط بس
التراجي راحت تدور اعله محبس
يابه يابه الدنيه غابه
صحتي لمّن شفتي جسمه
*****
واعدج والدج من ترجعله الانفاس
هم يريد يشتمج و موجود الاحساس
حته لو ما يجي هو هم يجي الراس
منحره العطشان يروي حين ينباس
والسعادة بالشهادة
الموت بس راسه تضمه
*****
عالمغسيل باجر ابجفي اغسلج
عمه سلميلي على الوالد اكلج
القه دم و شوك مطبوع اعله رجلج
بالخرابه للدفن بيدي احملج
يبقه قبرج يكفي صبرج
بويه وينك تبقه كلمة
*****
انا ارجع للمدينة بعد ايام
ما اعوفج راح ارد و قبري بالشام
حته يمج ابقه نتشارك بالألام
عالوعد كل سنة توصل خدام
رافضية يم رقية
توصل المرقد تشمه