قصيدة : وصيتكم
للشاعر : السيد عبد الخالق المحنه

طور : حبيتكم
 ليلة 26 صفر 1441 هـ
 العتبة الكاظمية المقدسة


وصيتكم .. والدمعه بعيوني
وصيتكم .. بالزهره جازوني
وصيتكم .. واعرف تغدروني
*****
صاحب اليندار وجه بدور الأيام
هذا ما يتسمى صاحب لو بالأحلام
بوجهي يضحك بالظهر يرميني بسهام
والتجره حرك بابي يحرك خيام
معروفين .. بالختلة والغدرة
معروفين .. حقداً على العترة
معروفين .. وإبسرعه تنسوني
*****
يا خلگ انه محمد لا تنكرون
انه وصيت وتره أعرف تغدرون
بيتي حد الله وكلت لا لا تقربون
يالعبرتوا حدود ربكم ما توافون
احقادكم .. وي حيدر هوايه
احقادكم .. انه اعرف الغايه
احقادكم .. يالما توافوني
*****
يا نبي مثلي تحمل أيها الناس
انه وي بنتي انجرح گلبي و الاحساس
انه إليه بكربله فوگ الرمح راس
ضامي وبخيل اعوجيه صدري ينداس
عطشانين .. اولادي وعيالي
عطشانين .. محد رحم حالي
عطشانين .. يالما ترحموني
*****
انه ما انسى الذي لاذت وره الباب
والعصرها ينحسب من بعض الأحباب
يا أشر الناس عدكم طبع الذياب
ما حفظتوها الامانه بعد الغياب
چا وينكم .. لمن برز مرحب
چا وينكم .. شو بس على زينب
چا وينكم .. تالي تأسروني
*****
اعرف بكرسي الحكم يسحر بالعقول
والذي عنده ملك حسباله ميزول
والخرج عن الحقيقة دربه مجهول
والسلب حق اليتامه لله شيكول
ما معذور .. يالبايعت ظالم
ما معذور .. بالكارثة مساهم
ما معذور .. واجب تنصروني
*****
همه بس شيعة علي وفوا بالوعود
واليشيل الراية عدهم يدفع زنود
يبقى عالعترة دمعهم يحفر خدود
من يناديهم محمد كلهم جنود
موجودين .. كلما نناديهم
موجودين .. كل الوفه بيهم
موجودين .. همه اليواسوني
*****
همه بس الشيعة انصار ومحبين
بحب ابو الاكبر نعم كلهم مجانين
بين اصحاب المواكب بين ماشين
بالزيارة استقبلوا هاي الملايين
مشكورين .. وانتم على القمه
مشكورين .. خدام أبو اليمه
مشكورين .. ما خابت ظنوني

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x