قصيدة : اسعى سعيك يا يزيد
الشاعر : انيس الخفاجي الكربلائي

الرادود : الحاج ملا باسم الکربلائی
 المناسبة : ليلة 17 محرم 1441 هـ

 طور : ذكرياتي يا_أمير_العاشقين
المكان : حسينية الحاج داوود العاشور البصرة ابو الخصيب

اسعه سعيك يا يزيد .. انه زينب
كيد كيدك ما يفيد .. انه زينب
*****
لحظة تاريخية چانت خطبة الشام
خطبة السيدة زينب طيحت اصنام
گالت ايزيد ومكانه تحت الاقدام
وانه لبوة حيدرة ولبوة الاسلام
بيه قصرك ظل يميد .. انه زينب
كيد كيدك ما يفيد .. انه زينب
*****
والله ما تمحي ذكرنه شما تحاول
وبينه الله خله نَص قراني نازل
(نحن انزلنا الذكر) وانحفظه گايل
واحنه ذكر الباري نبقه وانت زايل
انته مو گدي شتريد .. انه زينب
كيد كيدك ما يفيد .. انه زينب
*****
مو سبيه لا تظن زينب سبيه
گالت احنه نبقه اسياد البريه
آل طه احنه وانتو آل اميه
فرق ما بين الثره وبين الثريه
بمجلسه ظلت تعيد .. انه زينب
كيد كيدك ما يفيد .. انه زينب
*****
خل تگول الناس كلشي وتحچي عنك
عالي يبقه شاني وانته ازغير شأنك
انه اخاف امن الله بس ما خاف منك
وهذا خدري يا يزيد اتمسه فنك
خاسر اويايه اكيد .. انه زينب
كيد كيدك ما يفيد .. انه زينب
*****
مسلمتك بيد الله صوت الحرة ناده
وحاشه ربنه ما هو ظلّام ابعباده
بوجهه صاحت عدكم انتو الذلة عاده
واحنه من الله كرامتنه الشهاده
عن دربنه ما احيد .. انه زينب
كيد كيدك ما يفيد .. انه زينب
*****
بالقصر من دخلت وبيديهه لاحبال
ظنهم ايذلوهه بس اتغير الحال
شو قصركم خالي گالت چنه اطلال
ما اشوف گبالي واحد وين الرجال
انتو گدامي عبيد .. انه زينب
كيد كيدك ما يفيد .. انه زينب
*****
اسعه سعيك يا يزيد وكد بكيدك
وناصبلنه بالعداء وخلي جهدك
خاسر انته لأن الله يدري قصدك
رأيك وكُلك بدد انته اويه جندك
يبقه بس رأيي السديد .. انه زينب
كيد كيدك ما يفيد .. انه زينب

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x