Sat20200125


يا مشاي

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يا مشاي - باسم الكربلائي
تاريخ الاضافة
2019-10-02
المشاهدة
212
المدة
00:00:00
عدد التحميلات
45

نص هذا المقطع

قصيدة : يا مشاي
للشاعر : ناظم الحاشي
 المناسبة : ليلة 20 محرم 1441 هـ

 طور : يا_ستار
حسينية الحاج داوود العاشور البصرة


يامَشّاي حَج لحسينك طالِع
حَج مَبرور غافِر ذَنبَك راجِع
*****
يَلّي ماگادِر تِحِج كَعبَةْ نَجِدْ
لربعين إحسين قَرُّر وإعتِمِد
مِثِلْ يوم الجابِتَك أُمَّك تِرِد
إبلا ذنوب إتگول تَوَّك مِنوِلِد
سَعيَك فاز للرَب ساجِد راكِع
حَج مبرور غافِر ذَنبَك راجِع
*****
الزار گَبْر إحسين قَدْ حَج وإعتُمَر
وطاف بالكعبه مَعَ الأثنى عَشَر
للعرِش مو عالأرُض هذا السَفَر
والدليل إتروح زاير للگُمَر
للزوّار هذا الأمر الواقِع
حَج مبرور غافر ذنبك راجِع
*****
هاي كِل خطوَه على الحاقِد سَهَم
ضِد عَدوّ إحسين طِلقوهه الخَدَم
تدري فوگ الگاع كِل رَفعَة جِدَم
بيها رايح تطفي نيران الخِيَم
عَن إحسين چَنَك جاي إدّافِع
حَج مبرور غافِر ذَنبَك راجِع
*****
بيها كِل خطوه إبمناسِك تِنحِسِب
مو إبحجّه إبالف حجّه تنكِتِب
كون مَكَه بيها زمزم ينشِرِب
حسين عنده الكوثر إومايه العَذِب
باب إحسين باب الله الواسِع
حَج مبرور غافر ذنبك راجع
*****
لوصِحِت لَبَيّك ماتدري إشْيحِل
مِثِل حَج البيت حَجَك يكتمِل
صَرخه بيها العاده دينك ينكِتِل
ونار بگلوب النواصب تشتِعِل
صَرخَه إتگول حَيدَر لا مو رابع
حج مبرور غافر ذنبك راجع
*****
لومشيت الكربله إورجلَك خُطَت
يعني وَيّه أم الحَسَن رِجلَك مِشَت
والذنوب إطّيح من عندك بِدَت
وبيك زينب بالقيامه إتكفِّلَت
والعبّاس يصبَح لَجلك شافِع
حج مبرور غافر ذنبك راجع
*****
ياحُسين إتزيل عن زينَب هَظُم
هاي صَرخَه تِشلَع إعيون الخَصُم
ياحُسين إوكًون وَيّاهه لَطُم
وَي عَدوّك توصل الكَسْر العَظُم
للعاداك هذا الموقِف رادِع
حج مبرور غافر ذنبَك راجِع

المرسل: الإثنين, 23 كانون1/ديسمبر 2019