Fri20200529


يا ظلام

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يا ظلام - باسم الكربلائي
تاريخ الاضافة
2019-09-18
المشاهدة
135
المدة
00:00:00
عدد التحميلات
81

نص هذا المقطع

قصيدة : يا ظلام
للشاعر : ميرزا عادل اشكناني
 المناسبة : ليلة 10 محرم 1441 هـ
حسينية ديوان الكفيل (ع) - لندن

يا ظَلامْ .. خَيِّم اِعْله الخِيَمْ
يا ظَلامْ .. راعي سِتْرِ الحَرَمْ
يا ظَلامْ .. خايِفَه امْن الفجُر
يا ظَلام
*****
يا ظلام اللَيل مِد طـُـولَك حِجابْ
و اشگُـف اسْهامَ النَظَر من تِـنْرِمي
خِدري باچر ينذِبِح فوگِ التُرابْ
اْو ينهدِم سِتري اعْله شاطي العلگمي
مثِل باب الزّهره صِير اِگبالي بَاب
حتَّه تِحفظلي حِجَـابي الفاطِمي
و الحريم .. شابِهَت فاطمه
و الحريم .. باچر اِبْلا حِمه
و الحريم .. بيك رادت ستُر
يا ظلام
*****
رغم ما بيك المَخاوُف و الرُعب
تبقه أهْوَن عندي من نُور الصبُح
بالصبُح ما عندي مُهجه اْو لا گلُب
و أحتمِل ألِف اْو تسِع ميَّة جَرح
اشلون أشوف ابن أمي مرمي اعْله التُرب
اْو من أشيل الراس أشوفه اعْله الرُمح
بالنَّهار.. دَم هَـلي ينسفِك
بالنَّهار .. خيمتي تنهِتِـك
بالنَّهار.. ما يظل لي خدُر
يا ظلام
*****
يا ظَلام اْو بيك اصلِّي النافِله
ابْليل لاچن حاطِت اِخيامي شُمُوسْ
اْو باچر ابگْـد رَكضي خَلْف العايِله
بيك اصلِّي النافله بس من جُلُوسْ
يا صبر يبقالي و أنظر بالفله
عله صدْر اِحسين چم حافِر يدُوس
بالخُيول .. عظمه لمَّن يطِگ
بالخُيول .. چم طفِل ينسحِگ
بالخُيول .. چم ضلع ينكسُر
يا ظلام
*****
مثل هالغـُربه الّلي عندي منهو شافْ ؟
اْو ياهو جرَّب حِيرتي ابْمَـر الدَّهر
هَـم أريد الليل , هَـم مِنَّه أخاف
اشْلون أأمِّن گلبي و ايْحِيطه الخَطر
الليل لو أظلَم يصُون أهْلَ العَفاف
لچَن يُوحِشني إذا مابي گُمَر
عالفُرات .. راح اودِّع بخَت
عالفُرات .. يسمع إخته اِنْتِخَت
عالفُرات .. ينخسِفلي بدُر
يا ظلام
*****
يا ظَلام الليل لمَّن تِنْجِلي
ابيا وضِع ترجَع عله اِعْيال النَّبِي
اِخيامي هالليله ابْحِراسة كافِلي
اْو باچَر ابهالوكِت يِحْرِسْها اجْنَبي
امْنين أدوِّر طارش ايْروح لْعَـلي
بلكَت ايْجينه گبل لا نِنْسِبي
وين أروح .. باچِر ابهالوِكت
وين أروح .. وحدي لو أصبَحِت
وين أروح .. حايره ابهالأمُر
يا ظلام
*****
يا ظَلام اوْيانه تمشي ابهالدُروب
اْو وين ما نَزْلونه مِد سِتْرَك عَلَيْ
إنته تِسْتُر وجهي من عگْب الغُرُوب
و اِبْنَهاري أستر الوَجْهِ ابْإدَيْ
تدري حرِّ الشمِس بي رُوحي تِذُوب
و اعْله ظهْر الناگْه ما يِحْصَلْ لِي فَي
بالعِيَال .. بالله وين أتّجِه
بالعِيال .. إلمَن أنطي الوجِه
بالعِيال .. لجيِّتَك أنتظُر
يا ظلام

المرسل: الإثنين, 23 كانون1/ديسمبر 2019