قصيدة : صلت صلاة الآيات
الشاعر : ايهاب المالكي

الرادود : الحاج ملا باسم الكربلائی
 المناسبة : رثاء ام البنين (ع)
الزمان : ليلة 4 محرم 1441 هـ
 حسينية ديوان الكفيل (ع) لندن

صلت صلاة الآيات
سيدة نكران الذات
وانطت عهد للزهره
منّا لحد عاشوراء
احلف بضلع الزهراء
اله انطي حگ العشرة
ما ثنّت بهايه
من انطت حجايه
*****
بالزهره حلفت بالسور
بالذريات وبالزمر
ما اخيب اظنون
التفت وحاجت علي
ابناء فاطم كل هلي
بعيوني يبقون
خافت جرحهم ينلچم
و اگبالهم نفس الأسم
ما قبلت تكون
گالت اذا اظل فاطمة
تزعل عليّه فاطمة
من تعتب شلون
بالعتبة گالت يا ريت
استأذن امن اهل البيت
اطرق بدمعي عالباب
ما اخلي عالليل الثام
امسح نده اعيون ايتام
ضي الشمس عنهم غاب
جان الوفه الغايه
من انطت حجايه
*****
ام الـ عليهم تعتمد
و الگالتهلم عالغمد
حده اويه عاشور
الحالفة تصون العهد
للموت و يظل الوعد
بأفكارها يدور
لأنفاس زينب تنتبه
لحسين جانت تتجه
لو رادت اتزور
وصاها حيدر من رحل
من اقترب منه الاجل
بس گلبه مكسور
سولف علي ابوكت الموت
بحروف ما بيهن صوت
و ابجفنه واضح دمعه
وصاها بالنظرة هواي
فهمته و گالت مولاي
بعيوني ولد البضعه
بيها اتضح رايه
من انطت حجايه
*****
انطت ولدها الاربعة
كلمن مهمة مصرعه
و اتأكدت زين
عبدالله تبرز يالشهم
جعفر تشلبه عالزلم
شوف النصر وين
عثمان اذا سيفك صعد
حسسهم بنقص العدد
يا قرة العين
خليني اظل ابلا گمر
عباس ودي للنهر
يم جدم الحسين
سوولي بالطف معروف
واهدولي لحسين اجفوف
واعيون بيهن نبله
شوفولي هلبت تلگون
يا ريت كون تقدمون
غير المنيه السهله
يم كل گبر راية
من انطت حجايه
*****
من مشوا للطف انحنت
و اگبالهم ما بيّنت
عن هاي الالم
و بجفها شي ما ينفرز
الظاهر انطتهم حرز
ينشد عالخيام
صد الها الحسين وحجه
وفيتي يا يمه و بجه
و ارباتج اوسام
گلتله يا يمه الأبن
من يمشي عن امه اشتظن
اعيونها اتنام
راح وراه طشت روح
ام على ابنها امن يروح
وتودعه بآخر نظرة
دمعتها بالعين تدور
يلهب گلبها المكسور
و يچوي حر الزهره
هاي الـ موصايه
من انطت حجايه
*****
سمعت رجع ظعن الستر
يا اهل يثرب من بشر
و التمت الناس
يمها دمع زينب همل
من گالتلها اعله الكفل
ما دمگ الراس
و شلون بعيونه السهم
من ايده ما طاح العلم
حد گطع الانفاس
عرفته وفه ابمصرعه
صاحتله صوب المشرعه
عفيه ابني عباس
عفيه ابني صاحت له بهاي
يالما شمت بيك الماي
يالبيك احن ايامي
يمجتف الشط بجتاف
و الموج من سيفك خاف
بعيون اخوك الظامي
الشط ذكر مايه
من انطت حجايه
*****
صدت لكاروك الطفل
شافت اثر دم ونبل
نابت على اغطاه
صاحت شگول امن انسأل
فاتتني لو مطيه الفضل
ساعتها يفداه
والزهره تدري ابنيتي
ما يغله شي ابدنيتي
وياها والله
ياريته سهم اللي نفذ
من منحره ابگلبي و اخذ
كل نبضي وياه
لو ادري والله احتاط
من روحي افصله اگماط
والنبله توگع بيّه
ساعتها عبدالله يعيش
واسم الله اگله وبالريش
ويرد هواه للريّه
واتمنت افيايه
من انطت حجايه
*****
من ماتت الخالق أمر
انطوها خير المستقر
في ذاك مرضاي
انتشر بالجنه الخبر
رضوان عالباب انتظر
يترقب الجاي
لمن تسائل من اتى
گلوله زوجة لا فتى
الا علي هاي
گلهم الف اي والنعم
من عدها المربية زلم
ما ذلهم الماي
واشجم صحيفة اعمال
تحمل مواقفها اجبال
يا ملك يگدر يحسب
اثناء تكوينه يحير
موقف خلص غيره ايصير
يگضي الحبر من يكتب
افعالها اهوايه
من انطت حجايه
*****
تستاهل اتنال الصفه
قائدة قوات الوفه
و اولادها جنود
من يرد طف الفاجعه
هم ترجع اتضحي اربعه
لو باجر ايعود
اربعه ربت للوعد
واثنين وياهم بعد
الراية والجود
اخذت حزنها للگبر
والله تحظر للحشر
بهدومها السود
تحمل نحر دمه ايسيل
و يبچيلها جبرائيل
وابدمه يغرگ جنحه
مهمومه توگف وتطيح
وبيا ذنب هذا تصيح
منحر وليدي يذبحه
صانت نبي واية
من انطت حجايه

تعليقات

لإرسال تعليق یجب أن تسجل في الموقع

لطميات

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x