Fri20211022


يا قلب

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يا قلب - باسم الكربلائي
تاريخ الاضافة
2019-09-01
المشاهدة
331
المدة
00:12:09
عدد التحميلات
227

نص هذا المقطع

قصيدة : ما نحتمل هجر | يا قلب مانحتمل
للشاعر : ناظم الحاشي
 المناسبة : شهادة الإمام الجواد ١٤٤٠ هـ

الرادود : الحاج ملا باسم الکربلائی 
ليلة 24 ذي القعدة 1440 | جامع الحاج علي باش بغداد

ياگلب مانحتمِل هَجُر
لِلنِودعه بأوّل العمُر
للتَرَك أثَر .. يكسر الظَهر
هَجُر
******
ياگلبي راح البي تِدِگ من تِدِگ
وابريح حُبَّه إتعيش من تختِنِگ
كِل غالي عن الغالي من يفتِرِگ
يحترِگ بَعدَه اوينطفي اويحترِگ
يوم التوَدعه إتشوف يوم الطَبِگ
والعِشِگ بَعده ماله قيمه العِشِگ
والْيحِب من حَقّه يعتِقِد
مايرد من يذبل الورِد
والبُعِد سَفَر...يكسر الظَهَر
هَجُر
******
ياريت مَيّت گبُل عُمره العُمُر
وأندِفن كون وياه ابنَفْسْ الگبُر
مادام مَيْرِد بالدمع والصبُر
المَن بَعَد باقي ابحياتي انتُظُر
يتَّمني حُبّه وطال ذِل الهَجُر
وگبل الحَشُر مر بيّه يوم الحَشُر
ياجرِح طول الزمن جَرِح
يا أثَر يالصعبه ينمِسِح
دمعي والسَهَر...يكسر الظهر
هَجُر
******
غاب الحبيب الچان مِثْلْ الهِوه
ويّه النِفَسْ يصعد إوينزِل سِوه
ياحِلِم عمري اوعمري بَعده انطوه
وأمشي ابضِوه اوماشوف حَتّه الضِوه
هيهات گلبي ابحُب عَدِوّه إنغِوه
عطشان وابحُب الجَواد ارتِوه
يامُحِب مامِثله كِل مُحِب
ياعَذِب يا أحله كل عَذِب
مِنّه مابِدَر...يكسر الظهر
هجر
******
بأوَّل شَبابه اوحِلِم عُمره إنگِضه
وغدرَت بَني العباس ببن الرُضه
أحداث موته لاتِضِن غامِضه
بَل فُضحَت الملعونه والمُغرِضه
كون ابرَفُضهُم للعَهَد نِحفُضه
إحنه أوّل العِشاگ والرافضه
هذا مَنهَج واضِح اوجَلي
مانِحِبّه المايحِب علي
بيده كِل قَدَر...يكسر الظهر
هجر
******
غاب الجواد اوغاب نور الأزَل
كَوكَب سَماوي امنْ السماء إرتحل
عاف السِمه ابليلَةْ تمَامه اونزل
أوّل گُمَر حَدْر التراب إكتِمل
طَبْعْ اليموت إيودعه دَمع المُقَل
مات ابغُرُبته إبغير صَرخَة أهَل
لاحِزِن لا عَبره لا دَمِع
لابچي اولا صَرخه تنسِمِع
موته يابَشَر...يكسر الظهر
هجر
******
حِقدَت بَني العباس من شافِته
عِشرين عُمره والبَشَر طاعِته
خافَت مُلِكها إيزيله لو خَلِّته
سَمِّمَت جَدّه اوالده إوسمِّته
مادَرو تُبقه الهالزمن گُبّته
نور النبي اومادِفنِته الدِفنته
لاتِضِن عُمره إبْعُمُر صَبي
كِل سَنه إتعادِل عُمُر نَبي
بالعِلِم جَهَر...يكسر الظَهَر
هَجُر
******
خَل تِسمَع أهل الكُفُر والناصِبه
شيعة علي الكرار إهي الغالِبه
إبدَم الجواد القاتِل إنطالِبه
ليگول جَدي للنَبي صاحِبه
هاذي دعايه مُغرِضه اوكاذِبه
ونجيبه هُوّه إوجَدّه وإنحاسِبه
ثاره باقي صَعبه ينمحي
وِاليبُغضه خَلّي يستحي
غيره ماگِدَر...يكسر الظهر
هجر
******
لوراد رَبّك من بَشَر ينتِقِم
يصبح مِثِل هارون والمُعتَصِم
ماندري يمته إمن البَعَض تِفتِهِم
بالموت رَبها إشلون ذَل الزِلِم
بالدين تحچي إونَهجه مِن تِعتِزِم
لاچَن ابنَهج الدين ماتلتزِم
لاتضِن رَبّك تَرَك أحَد
وِالعقوبه بالحَشُر أشَد
بيها لو أُمَر...يكسر الظهر
هجر

المرسل: الأحد, 06 كانون1/ديسمبر 2020