Mon20200406


شمعة شبابك

باسم الكربلائي

باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
شمعة شبابك - باسم الكربلائي
تاريخ الاضافة
2019-09-01
المشاهدة
249
المدة
00:00:00
عدد التحميلات
90

نص هذا المقطع

قصيدة : شمعة شبابك
للشاعر : السيد عبد الخالق المحنه
 المناسبة : وفاة الأمام محمد الجواد ع

 طور : باب_وضحايه
ليلة 25 ذي القعدة 1440 | جامع الحاج علي باش بغداد

شمعة شبابك .. تكتب مصابك
هاي المسيّه .. وي الزجية
تكتب مصابك
*****
عرفنه لكل صعب لازم
يجيه الاصعب يقهره
وإذا مرحب صعوبة ايطيح
اكو حيدر علي يشطره
وإذا عالعلگمي آلاف
اكو عباس دگ صدره
وغرور المعتصم يحتاج
تواضع هاشمي يكسره
يكسر غروره .. بروحه الصبورة
نفس الابية .. وي الزجية
تكتب مصابك
*****
أتاك من الصبه حكمك
مثل يحيى يبو الهادي
شبه عيسى وبعد اكرم
يمن قبل البشر بادي
زغير الما عرف حجمك
لذلك يعرف يعادي
لأنك عالقمم قمة
اكيد يحسدك الوالي
صارت اغتيالك .. من أقرب عيالك
هاي الرزية .. وي الزجية
تكتب مصابك
*****
أبو الهادي ورسول الله
تشابه بالألم والهم
نتاج الزوجة من تغدر
اكيد البيت يتهدم
هذيجه عالجمل قادت
حرب ضد الوصي الاعلم
وأجت ام الفضل تكمل
مسيرتها وتدس السم
لعنة نبيهن .. ظلت عليهن
سيد البرية .. وي الزجية
تكتب مصابك
*****
وجه خصمك وجه صحراء
وانته مورده اغصانك
واشوف المعتصم فرعون
وأفاعي السحر عدوانك
عصا موسى يسجدولك
اذا يتحرك لسانك
سلاطين الحقد ضاعت
وانته الباقي سلطانك
هاي الاشارة .. يوم الزيارة
والرافضية .. وي الزجية
تكتب مصابك
*****
أمام تنصبت و انته
صبي وتسلمت امرك
أذا تمهيد للمهدي
آتاك الحكم من صغرك
اليكول المهدي خمس سنين
وجوب نناقشه بعمرك
تكلم بالمهد عيسى
عليمن شكو بسرك
عمرك علامه .. ثبت إمامه
والمهدوية .. وي الزجية
تكتب مصابك
*****
بروحك كربله انطبعت
مثل دمعات البخدك
بجيت هواي عالضامي
متت ضامي مثل جدك
ثلثة ايام ما مدفون
تحت حر الشمس وحدك
اميه قطعوا جسمه
هذوله قطعوا جبدك
تعرف جروحه .. من تضمه روحه
صوت المنية .. وي الزجية
تكتب مصابك
*****
بضماك تذكرت جدك
وهو ينازع على الغبره
ينادي يا خلق عطشان
وحق الهادي والزهره
بقت عينه على زينب
وإبن جوشن على صدره
وزينب لطمت وصاحت
يعباس انكطع نحره
حتى ببماته .. عينه لبناته
واخته السبيه .. وي الزجية
تكتب مصابك

المرسل: الإثنين, 23 كانون1/ديسمبر 2019