لطمية جود ابحسرتك مكتوبة

 

الرادود باسم الكربلائي

 


جود ابحسرتك. لهفتك
 
ياكلب يمكسور
ابشوال الدمع نستمع
ونتك يعاشور
جن طيحة علم. والخيم
من تطيح الكبور
غدر. غدر
ون ياكلب ونه شديده
 
ورسم جروحك بالقصيده
مني الوكت شنهي اليريده
وحبابي شوفتهم بعيده
والبي وفه الكطعة وريده
يلهج يظل بسم اليريده
ياروحي اشبعد ياوعد
ياخبر تريدين
صارت بالحلم. تنحسم
شوفة البعيدين
كالولي اصطبر ونتظر
من زمانك ايدور
غدر. غدر
 
يهل القبور اشظل بدينه
مايبني المهدم بجينه
نستنكر او نرفض بقينه
بس ندعي غايبنه يجينه
سولفنه لاكن مابنينه
بزيارة الخايف رضينه
رادونه نذل. بالفعل
ذلة اليسكتون
واليسكت عمر. ينجبر
ما يشيل العيون
والغض الطرف. عالشرف
من يكله معذور
غدر. غدر
 
طاح الحمل وين اليشيله
غربه او مسافتهم طويله
يا أربعه اشيوخ القبيله
طيحة معالمكم ثكيله
جن حركة اخيام العقيله
مثل النظر طيحة كفيله
ياجف انكطع. والوكع
مايرد للخيام
كل قبر انهدم. بي سهم
صوبوه عالايتام
واللي شتموا. هدموا
ياحقد يمذخور
غدر غدر
 
ها يهل الكبور الرهيبه
حال الجثث بالطف سليبه
من أنظر الهاي المصيبه
انده يزينب ياغريبه
أعتب عله الطول مغيبه
او ها بلكت الطلعه قريبه
جن ظعن السبي. او ناصبي
يمنع اليزورون
واحدهم شمر. عالخدر
يضرب الينوحون
شيفيد البجي. والحجي
لو دمانه مهدور
غدر. غدر
 
هدم القبر أكبر فجيعه
طيحة علم يم الشريعه
كسرة ظهر هاذي يشيعه
لو مابنه المهدي بقيعه
حال الذي شايل رضيعه
ويرجعه والركبه كطيعه
كلهم حرمله. مشكله
بالغدر يبدعون
غايتهم هدم. مو زلم
بالنقص يشعرون
جرحت مذهبي. والنبي
فعلتك يمغرور
غدر. غدر
 
هاي القبور المابنوهه
مثل العطاشه المارووهه
والفرحوا ابزينب سبوهه
همه نفسهم هدموهه
اكبور او نواصب حاوطوهه
مثل السبايه الكيدوهه
ايد الهدمت عاودت
تسلبلها مقتول
كل جف اليجي. أعوجي
بي شبه للخيول
كل حافر كسر. عالقبر
والكسر بالصدور
غدر. غدر
 
من كل قبر ظلت علامه
تشبه جراحات اليتامه
والينظر الهدمت مقامه
جن ينظر الحركة خيامه
للمنتظر ندعي ابسلامه
يمته يجي او يعلن قيامه
والمسه الظلمه. للسمه
يرتجي بالغيوم
طبع الينتظر. يحتظر
من تضيع العلوم
عيش ابشكوتك
محنتك. ياكلب يمجمور
غدر. غدر

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x