Sun20210516


علي بكل كبريائه

باسم الكربلائي

علي بكل كبريائه باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
علي بكل كبريايه - باسم الكربلائي
تاريخ الاضافة
2019-05-28
المشاهدة
519
المدة
00:09:55
عدد التحميلات
214

نص هذا المقطع

القصيدة : علي بكل كبريائه
الشاعر : سيد سعيد الصافي الرميثي

الرادود : الحاج ملا باسم الكربلائی
 المناسبة : استشهاد امير المؤمنين علي ع 1440
 ليلة 19 رمضان 1440 | داوود العاشور


علي ابكل كبريائه
سجد كمّل دعاءه
جرح راسه بده ايسبح نزيفه
******
علي السجدت له هامات الرواسي
اخذ گبل آدم التاج الرئاسي
يگول امن القدر خوفي احتراسي
رغم عمق الجرح ظل عالي راسي
امير ابأقتداره
اله اتلوگ الامارة
وجوده ابكل زمن اول خليفة
******
اذا قرص الشمس اشرله طاعة
علي مجرى الفلك رهن انصياعه
اثر عز النفس كنز القناعة
مجاهد تاجر ابشرف بضاعه
حمل روحه اعله راحة
كتب بالدم صراحة
تعيش بذلة لنفوس الضعيفة
******
نزف كل گطرة من دمه ابسجوده
شكر للخالق الدايم وجوده
رضاتك عالوفه اوياك ابوعوده
ختم عمره على قبلة عهوده
يدور الحق مداره
على ايمنه و يساره
محاله الينتخي ابحيدر يعيفه
******
ضميره ابقدرة الباري انشداده
دليل اعله الوفاء ابعتقاده
كلام المصطفى ابحقه شهاده
علي الوجهه النظر افضل عباده
كتاب الله و لسانه
علي الواضح بيانه
صرح مجده اعله من دار السقيفة
******
يجف الكاشف هموم الحياره
على اسيوف الدهر شامخ فقاره
رحيلك فاجعه و مظلم نهاره
خساره يا علي فگدك خساره
جنت يابو اليتامه
اعله كل شفه ابتسامه
منو مثلك يقاسمنه رغيفه
******
علي الناذر وجوده لكل مهمه
نبع من دم محمد زاكي دمه
جبل بالهيبة يا گبر اليضمه
نسيم الجنة يالرايد تشمه
نفس اخذ اعله بابه
عطر جنه ابترابه
طعم زاد الشفه اتشمه ابمضيفه
******
الحمد لله ابعلي و حبه رحمنه
على كل القيّم رجحت قيّمنه
رخيص و فدوه اله ما يغله دمنه
عليه اسم الوصي و ايخفگ علمنه
تمسكنه ابولائه
مناجرنه فدائه
فخر بمحبته الموته الشريفه

المرسل: الأحد, 27 كانون1/ديسمبر 2020