القصيدة : عايش جرحج
الشاعر : حاتم صبري الكاظمي

الرادود : الحاج ملا باسم الكربلائی
 المناسبة : الليالي الفاطمية 1440
جامع الحاج علي باش - بغداد - الكريعات

 

عايش جرحج بين ادموعي
يالگبرج ما بين ضلوعي
******
احاجي ابروحي و ادموعي جمر تهوه
صدگ بيدي ادفنت ضحكاتج الحلوة
الـ يشاهدني ابفرگتج فاطمة اشسوه
يلاگيني ينادي هوّه مو هوّه
تايه صبري و لا مو طوعي
يالگبرج ما بين ضلوعي
******
مشدوها ابمثل لون الجرح لوني
بعد ضلعج يزهره ماتت شلوني
الدمع و الهم يودوني و يجيبوني
قررت امن ادفنج ادفن اعيوني
طفه الموت اليوم اشموعي
يالگبرج ما بين ضلوعي
******
صدگ للمگبره يالزهره تاليتي
معقولة اشيليج يا بعد بيتي
شأخذتي وياج من عمرج شخليتي
بقه دمعي و اخذتي وياج عافيتي
راح ايظل فگدج موضوعي
يالگبرج ما بين ضلوعي
******
ألم نشرح لك صدرك جنت اقره
بالمسجد سمعت ابصدرج الكسرة
شفت جويات اديج ابابج و جمره
شتحمل لون بيّه علي عشرة
شابح وجهي ابدهشة نوعي
يالگبرج ما بين ضلوعي
******
دموعي يا حبيبة عمري محيها
بأسم الضلع مجراها و مسراها
الأمانة استُرجعت ناديت يا طاها
أم زينب اجتك روحي وياها
بعدج من يعرف موجوعي
يالگبرج ما بين ضلوعي
******
ابأمان الله اودعج و انه من الآن
يم بيت الاحزان ابني لي بيت احزان
اشيل الباب گمت اكرهن البيبان
حي اشلون عايش و انتي بالتربان
ابلا نهرج يابس ينبوعي
يالگبرج ما بين ضلوعي

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x