القصيدة : دمعاتي تسأل
الشاعر : حاتم صبري الكاظمي

الرادود : الحاج ملا باسم الكربلائی
 المناسبة : الليالي الفاطمية 1440
هيئة اولاد علي - واسط

 

دمعاتي تسأل من عليك
الى متى احار فيك
******
ضايع و ادور عن بصيص الضوه
يا خير ماني بخير حيلي هوه
مخنوگ يالمهدي و اشوفك هوه
مشتاگ للمشتاگ جفك دوه
دليني وينك و اني اجيك
الى متى احار فيك
******
ايوب صبري كثر صبري يأس
قارورة الحب دم عيني ترس
كافي يگلولي بعد انسه بس
شلون انسه واحد گمت احسه النفس
گلبي بقه و روحي بديك
الى متى احار فيك
******
من عالم النسيان انه منطرد
يم باب شوگك گمت اروح و ارد
انته الملك اقبلني عندك عبد
يا ريحة الله الخلق منها الورد
و بكل عطش انه ارتويك
الى متى احار فيك
******
ابكلشي اندبك بالدمع باللطم
ناسيك ليش البعض هذا الهضم
بيك النجاة و انته گايل لهم
يا ايها الناس اتقوا ربكم
قله اشوفك التشتريك
الى متى احار فيك
******
وين اللي بالأسحار عندك كليم
انته الصراط الأوحد المستقيم
نصحه مته و نتفاده صوتٌ اليم
زلزلة الساعة شيء عظيم
انته غياث الـ تهتديك
الى متى احار فيك
******
شقرالك و كلك جرح منفجع
و منين ما اشوفك يطولك دمع
مبيضه عينك مثل لون الشمع
يبن الحسن شمسوي بيك الضلع
و أي همٍ يعتريك
الى متى احار فيك

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x