أبعثلكم

قصیدة : أبعثلكم هالرساله هالرساله

أبعثلكم هالرساله هالرساله
ويه نعشي من خلاله من خلاله
بيها فكري...يشرح أمري
  ******

جدران المحاجر ما يحدن نظر
سجاني يتناسه گلبي يملك بصر
تزييف الحقائق صعبه يمحي أثر
الليلة التلاوه اويه الضوه ما قدر
يروي ليكم ذكرياتي...عن دعائي عن صلاتي
صبري سري...يشرح امري
******
فاقد حيلي لكن ما فقدت الأمل
كنت امتاني جنه جمعتي اويه الأهل
حيرت الرشيد و من صمودي انذهل
وادموعي بصلاتي اتحاصر المعتقل
سيفي قوة كبريائي...صبري واضح كربلائي
بيه يجري...يشرح امري
******
آنا ابن النبوة بيه شارت بخت
دولتهم بديه مثل جمره انطفت
سلطة جم خليفه يم أذاني انتهت
يعرف قدره يمي من خزرته وسكت
ذكرتهم بالسقيفه...جدي بس هوه الخليفه
لَيتَ شعري...يشرح امري
******
ماخذ من صلابة ذاكه راي الضمه
وبلحظة دعائي اتطيح بيدي السمه
الجدران العظيمه وغربتي المظلمه
ما هزن كياني عن هدف راسمه
غيبوني بالغياهب...ما دروني آنا راهب
يقضي عمري...يشرح امري
******
آنا أول شراره ثوره من السجن
وبموعد منيتي ثوره بيه تنعلن
حي ويبقى عايش ثاري ما يندفن
بدر أنصاري يبزغ من ليالي الحزن
سلّحتهم بالمصاحف...كاظميين المواقف
يبقى قبري...يشرح امري
******
ما ميز نهاري ليلي لمن يعش
كنت أدري بصلاتي من أذان العرش
من لمست سجدتي ظل أثرها نقش
جسر الكاظمية وناس تبجي ونعش
دمعه دمعه ودعوني...وبحزنهم شيعوني
موتي عذري...يشرح امري
******
ما تمحي ذكرنه الوادم المبغضه
من بعدي علياً ابنَ موسى الرضه
مهما حاربونه وضاق بينه الفضه
لابد تجي ساعه والعدل نفرضه
الله سوانه العلامه...منا واتقوم القيامه
هذا ذكري...يشرح امري