Thu20220630


ذكرى ولادة صاحب الزمان 1440 - 1

باسم الکربلائی

ذكرى ولادة صاحب الزمان 1440 - 1 باسم الکربلائی
موشحات ومدائح
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ذكري ولادة صاحب الزمان 1440 - 1 - باسم الکربلائی
تاريخ الاضافة
2019-04-21
المشاهدة
1359
المدة
00:22:13
عدد التحميلات
417

نص هذا المقطع

قصيدة : مو بالشموع اتلگه ميلاده

للشاعر : الحاج احمد الذهبی

الرادود : الحاج ملا باسم الکربلایی

 

مو بالشموع اتلگه ميلاده
اشعلها روحي اني بأعياده
ميلاده فرحة شالت احزاني
هذا حبيبي و لا محب ثاني
******
نورك يمهدي مالي دنيانه
و الشمس غابت منه خجلانه
ورد الحدايق غيّر الوانه
و احتار عطره و ذبلت اغصانه
و النجمه جانت عدنه سهرانه
و الليلة نامت جنها نعسانه
و اني و غرامي دنيه فرحانه
و اللي يحبنه يفرح ويانه
انه و شمعتي و فرحة سنيني
نتلگه عيدك يا بعد عيني
عايش حياتي الجيتك متاني
هذا حبيبي و لا محب ثاني
******
كلمة حبيبي هاي الحجايه
يمك شفتها مو بالكفايه
انته اغلى مني اغلى بهوايه
زمزم لگيتك احلى من مايه
صافي بغرامك مثل المرايه
ما عندي غيرك بالعمر غايه
مو يمي انته و عايش ويايه
اتمنه اشوفك شايل الراية
فاضحني تدري ابغيبتك شوگي
يامن غرامك يمشي بعروگي
حاشه ابغيابك لحظة تنساني
هذا حبيبي و لا محب ثاني
******
طير الاماني امودع اعتابه
و اليوم اجاني و الفرح جابه
مولد حبيبي حاسب احسابه
من فدوه اروح المقدم اترابه
من غبشه گلبي فاتح ابوابه
يتلگه ناسي و يحظن احبابه
الكاتلني هجره و طوّل اغيابه
حزني و فرحتي و دمعي و اسبابه
هوه الغرام و عشگي بايامي
هو اليعيش ابيقظة احلامي
هو الشريك ابفرحي و احزاني
هذا حبيبي و لا محب ثاني
******
ناس ابمحبتك يا ما لاموني
شافوا غرامك صورة بعيوني
ليلية رسمك يغفه بجفوني
ما اعوفك اني لو يذبحوني
ابقه انه احبك من يدفنوني
من جوّه لحدي لو يطلعوني
بأسمك اسولف والله يلگوني
بيك انه واصل قمة اجنوني
واصل جنوني ابحبك الغالي
حالي ابغيابك ما يحب حالي
و من روحي روحي ابهجرك تعاني
هذا حبيبي و لا محب ثاني
******
ساعة قدومك قائد القاده
ربك فرحلك هوه و اعباده
و الما يحبك شو على اعناده
ضحه الموالي و قدّم اولاده
فدوة اعله جيدك صاروا اگلاده
حبك مراده و حقق مراده
جبريل ناده و العرش ناده
ابلحظة ولادة اخر السادة
هذا الزعيم الغايب الحاضر
هذا الامام اليجبر الخاطر
و الدنيه كلها الطلعته اتنادي
هذا حبيبي و لا محب ثاني
******
عنك حجولي يا ضوه الديره
گالوا غيابك فترته جبيرة
عاشگ لگوني ابكل تفاسيره
وحدك حبيبي و ما احب غيره
و الما يريدك ضاع تقديره
عمره و زمانه عايش ابحيره
الليلة لجلك غنّت الطيره
رفرف جنحها و السمه زغيره
كلمن يحبك خنّه جف ايده
و الما يريدك الله ميريده
طبعاَ محبتك أمر ربّاني
هذا حبيبي و لا محب ثاني

المرسل: السبت, 05 حزيران/يونيو 2021