Tue20211019


ياروحي شقد صعبه

باسم الكربلائي

ياروحي شقد صعبه باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ياروحي شقد صعبه - باسم الكربلائي
تاريخ الاضافة
2019-04-08
المشاهدة
514
المدة
00:13:41
عدد التحميلات
265

نص هذا المقطع

القصيدة : ياروحي شقد صعبه
الشاعر : احمد الذهبي

الرادود : الحاج ملا باسم الكربلائی
 المناسبة : رثاء السيدة زينب (ع) 1440
 الزمن : ليلة 18 رجب 1440 هـ
 حسينية ام الحسن (ع) - البصرة - قضاء الفاو

 

يا روحي شگد صعبه
ضاع العمر ابغربه
و باجر غربة انموت
ريت الموت يتاني
شوگ ايجيب اخواني
ايشيلون التابوت
لو مماتي .. ابين اخوتي
ما يهمني .. حته موتي
******
ناري نار فراگ
شايف هالمشتاگ
لا يا موت الغربة العشنه وياهم وين
زينب و اترجاك
و اني عشرة وياك
لو ما تاخذ روحي الحد ما اشوف حسين
هواي ابعيد الشام
رايد ممشه ايام
خوفي الدرب ايأخره الـ مشتاقت له العين
روحي و گلبي وياه
بموتي ما انساه
شوف فراگه اشسوه و بيّه شسوه البين
ما اريد اطبگ رمشي
و لا يمشون بنعشي
و ماكو ويايه اعزاز
ثاري البين اخوتها
ما تصعب موتتها
لو اخوها الجنّاز
امنياتي .. و كل رجوتي
لو مماتي .. ابين اخوتي
******
ليلي ليل غياب
عيني تبجي اعتاب
اشما تنزل دمعاتي يوگع دم و ماي
ليش ايامي اتطيح
ريشه ابحضن الريح
و راسي و گلبي امشيب من ايام اصباي
موتي استعجل ليش
صار ويايه يعيش
ليش و انه ابزغري و عايش موتي وياي
نام بروحي احساسي
وبي ريحة عباسي
جاي ابلايه اجفوفه و جايب لأخته الماي
جاي يوادع روحي
و صوته اينوم اجروحي
التلجمني ابفرگاه
ماي ايگطر لأخته
ذاكه المن فارگته
راحت روحي وياه
بي كلامي .. بي سكوتي
لو مماتي .. ابين اخوتي
******
صوت انفاسي ايگول
ريت الليله يطول
باجر سفرة موتي و ما جوني الغياب
لا يا موت اشبيك
كافي اتوسل بيك
رايد تاخذ روحي ابلا يه اوداع احباب
ودلعة عمري الفات
لو تصبر ساعات
ساعة و جف احبابي راح ايدگ الباب
لو هسه امي اهنا
صاحت واويلاه
جيتج يمه ابضلعي المكسور و ما طاب
يا موتي و شيلتها
لو اشتم ريحتها
تسويلك معروف
ساعة اتنشف ادموعي
ساعة تصيح اضلوعي
و ساعة ابجرحي تروف
و ساعة تسمع .. كل شكوتي
لو مماتي .. ابين اخوتي
******
و انه ابهذا الحال
راح ابعث مرسال
خاتمته امن اجروحي و كاتبته ابدمعات
قوگ اجناح الطير
يوصل لأهل الخير
صوب النجف و حيدر يتعذر هيهات
شلون اتعوفه اهناك
روحه و گلبه اوياك
ابيا غربة ايدفنونه و هو ابشوگك مات
بويه ابنيتك هاي
ريتك هسه وياي
ساعة موتي و صعبه يا گاضي الصعبات
لو يوصل مرسالي
بويه و تعرف حالي
و توصل گبل الصوت
لو غربة ايشيعوني
دونك و يدفنوني
بويه ادريك اتومت
بويه حيدر .. هذا صوتي
لو مماتي .. ابين اخوتي
******
بين افراگي و بين
شوگ و غربة اسنين
خوفي تطلع روحي و اهلي ما يدرون
روحي الما ترتاح
طيره ابلايه اجناج
لا تگدر توصلهم لا من همه يجون
لو جوني امن ابعيد
نار جروحي اتهيد
جان اشتم ريحتهم حته الموت ايهون
راحوا نسمة صيف
ما مرولي ابطيف
و ارحت وي روحتهم مني اثنين اعيون
يا نوم الما شقته
يا سهر العاشرته
و يا جرح الما طاب
يا ريت ابصفناتي
وي طيحة دمعاتي
اسمع دگة باب
ابكل دعائي .. ابكل قنوتي
لو مماتي .. ابين اخوتي
******
ريت انه و يا ريت
و اهواي اتمنيت
موتي ابين احبابي و ما بين اغلى الناس
صار اكثر من عام
عيني اتشوف احلام
رايح لون الورده و ذابل عود الياس
خوفي امن النسيان
موتي ابلا دفان
لكن ما ينسوني ابموتي و عندي احساس
شاغلني التفكير
گبري اتمنه ايصير
بين حسين الغالي و ما بين العباس
ليليه ايزورني
و ابهمي ايواسوني
و ينسوني الصار
و انه اذكر آلآمي
و ناري و حرگ اخيامي
و يطفولي النار
يا كفيلي .. و يا قُدوتي
لو مماتي .. ابين اخوتي
******
هاي اخر لحظات
بيها اشگد حسرات
صار الطف ابعيني و كرهني ابدنياي
صاحت روحي ابصوت
ما اخاف امن الموت
و اني ازغيره ابعمري و شفت الموت اهواي
روحي ابطف حسين
ماتت بي مرتين
وحده ابگطعة نحره ووحده ابشاطي الماي
ثالث موته ابروحي
و هاي البيها جروحي
انه امشي و مسبيه و روس اخواني وياي
يا موتي الـ ماخذني
بنار الشامت ذنبي
و تدري ابدرب الشام
هاك احسب دمعاتي
و ناري ابگد خطواتي
عمر الليل ايام
جمرة جمرة .. بي خطوتي
لو مماتي .. ابين اخوتي

المرسل: الثلاثاء, 29 كانون1/ديسمبر 2020