القصيدة : ما جنت أظنه يصير
الشاعر : ناظم الحاشي

الرادود : الحاج ملا باسم الكربلائي
 المناسبة : الليالي الفاطمية الثالثة 1440
ديوان الكفيل - لندن

ما جنت اظنه ايصير هذا الجره و صار
يحترگ بابي اگبال عينك يكرار
******
يم الحسن تدرين لو ما الوصية
ما عافت الفقار قبضات اديه
عدهم بخت ما صاح صوتج عليّه
يالزهره حتى النار احرگها بالنار
******
ما ردتك اعله الباب حيدر تجيني
عفتك و صحت بصوت فضه اسنديني
عن لا تشوف شلون قتلوا جنيني
و بوجهي اثر للسوط و بضلعي بسمار
******
لو ما عصا الأسلام تنشق يزهره
من دمهم الا الگاع اگلبها حمره
والكسر بيج ضلوع نصين اكسره
مو علي العينه تنام يالزهره عالثار
******
يابو الحسن لو جان بيهم صحابي
ما كسر ضلعي و راد يهتك حجابي
نفسه الأجاني و صار زلمه اعله بابي
يم خبير امن الباب لايذ بالأكتار
******
امر النبي و تدرين فاطم يبنته
گلي اصبر اشما صار و الأمره طعته
لو اعرف يضربوج جان اعتذرته
و اعلن حرب عالراد يهجم على الدار
******
دگها ابويه الباب بيده الشريفه
حگتها يا بو الحسين نار السقيفة
ما عندي عين تشوف غيرك خليفه
اهون عليّه الموت من حكم الاشرار
******
يالزهره يوم الثار بالمهدي اعيده
و الـ من اديه الراح يرجعلي بيده
و يداعي يا ثارات ضلع الشهيدة
يعلن ضريحج وين و اتطوفه زوار
******
يا علي بداعة نور مهدي الامامة
لتسامح الخانوك يوم القيامة
تدري الوگف عالباب و ابده انتقامه
بالهجرة هو الجان واگف على الغار
******
يالزهره عندي اخبار اخطر خبر هام
كل ذوله عن غايات دخلوا للاسلام
حقدوا عليّه بيوم هدمت الاصنام
كل هذا ابليس و ابدمهم اندار

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x