Sat20210227


وجهي مسطور

باسم الكربلائي

وجهي مسطور باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
وجهي مسطور - باسم الكربلائي
تاريخ الاضافة
2019-02-25
المشاهدة
299
المدة
00:17:48
عدد التحميلات
165

نص هذا المقطع

القصيدة : وجهي مسطور
الشاعر : السيد فاضل الخرساني

الرادود : الحاج ملا باسم الكربلائي
 المناسبة : الليالي الفاطمية 1440
ديوان الكفيل - لندن

يبويه اجيتك ضلعي مكسور
غريبة حزينه وجهي مسطور
خلصن سنين العمر
دمعة و غياب و كسر
وجهي مسطور
******
غريبة و بيتي من فرگاك تابوتي
حجي الشمات سيف يگطع بتوتي
يبو الزهره اناديك و يرد صوتي
انه اتمنيت يمي و حاضر بموتي
اوجه عتابي و اشكي بلواي
كأني اشوفك حاضر وياي
و اشعر اخيالك يمر
دمعة و غياب و كسر
وجهي مسطور
******
يكسرة خاطري الـ ما مرت اعله أحد
بقه وني بصده الجدران يتردد
شسولف يا جرح و جروحي ما تنعد
على مصاب الجره دمعه عليّه تشهد
انادي يطه خانت الناس
و اريدك تجيني بآخر انفاس
اعرف يصير العذر
دمعة و غياب و كسر
وجهي مسطور
******
يمن دهري عليك بحسرة خلاني
عذاب الما خطر عالبال راواني
اموت و انتهي و ما تخلص احزاني
تمنيتك تجي و تصير دفاني
تغمض عيوني و تهمل العين
و اريدك تشاهد دمع الحسين
و التنام امه ابقبر
دمعة و غياب و كسر
وجهي مسطور
******
اذكرك من جنت توگف على بابي
و لا تدخل اذا ما تسمع اجوابي
تعال و شوفني و انحب على امصابي
اديه اتكسرن من صارنا حجابي
اجوني شفتهم كلهم انياب
شتمني و رفسني ابرفست الباب
و ابسلامة ما تمر
دمعة و غياب و كسر
وجهي مسطور
******
يبويه مصبيتي لو ردت احجيها
الك من يا جرح يا والدي ابديها
صلاتي امن الألم گعده اصليها
و اديه اعله الضلع لازم اخليها
يتيمه ونيني يعذب الروح
يغالي حنيني يلجم جروح
گلبي يسعر بي جمر
دمعة و غياب و كسر
وجهي مسطور
******
ابضعيف الصوت اصيح و ادري تسمعني
ابو الحملة عدل و فلان يصفعني
على الحايط يبويه ابحرگه يدفعني
اذا اسمك الفظه ابصوطه لوعني
اعله خدي سطرني مرة مرتين
شتمني انادي يا علي وين
فاطمة من تنسطر
دمعة و غياب و كسر
وجهي مسطور
******
يحيدر عالگبر من تقره بالقرآن
وصيتي لا ترش الماي عالتربان
خليني أواسي الـ ينذبح عطشان
و ثالث يوم جسمه عاري بالميدان
مصابه يحيدر اصعب امصاب
ذبيح ايتوذر فوگ التراب
الربي سلمت الأمر
دمعة و غياب و كسر
وجهي مسطور

المرسل: الخميس, 31 كانون1/ديسمبر 2020