Sun20210613


ليهمك

باسم الكربلائي

ليهمك باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ليهمك - باسم الكربلائي
تاريخ الاضافة
2019-02-25
المشاهدة
424
المدة
00:09:42
عدد التحميلات
193

نص هذا المقطع

القصيدة : ليهمك

للشاعر : عبد اللطيف خالدي

 الرادود : الحاج ملا باسم الكربلائي

المناسبة : الليالي الفاطمية 1440

طور : ميمر _كربلائي

حسينية قصر الزهراء - الكاظمية المقدسة

 

مَيْهمك اِتـراضـي افلان .. والأهم تِرْضي الزهره

*****

ابهذا النَهِج اِمـضـي ولا تِتعَجَب

يا سامعي لو شِفِت شَعرَك شَيّب

لا مو غـريـبـه بس يظل الأغـرَب

من تنسى بيدك الماس .. وتركظ تريد الجَمره

*****

للزهره امضي وبالمصاعب لَتطيح

وهـذا المثل يكفيني عَـنِ التَصريح

سِد بـابـك ابوكت التجي يَمَك رِيْـح

صَرصَر حَچيهُم مَـوبـوء .. اُو تِحمِل نوايا خَطره

*****

الما يقدر ابـفِـعـلَـه إلك يُـوصـلَـك

شـيـطـانـه يِغويه اُو يِريد اِيـنَـزلَـك

اِترَفَع اِنته اُو خَلي هـاي اِبـعَـقـلَـك

قابيل حـاسِـد هابيل .. اُو قيس اعله هاي الفِكره

*****

عُـوف الـيـريـدك تِلتهي اِبـقيل وقـال

اِثـبِـت ولـو كـل آدمـي اِگـبـالَـك مال

اِيوَصْفَك صَغير الشافك اِبراس اِجبال

بالخدمة شانك مَرفوع .. اُو غيرك سجين اِبحُفرَه

*****

كـل واحـد ابـدنـيـاه عنده اهمومه

خل هَمَك انته اعله گِضَت مظلومه

اِعـقِـد مجالس وابچي عالمهضومه

وِاعلِنها جـدام الـنـاس .. لا تخشى راي الزُمرَه

*****

يا حسرتي لـلـزهـره لا لا اتـهـيـديـن

عـالـمـاتـت او مكسور منها ضلعين

مـدفـونـه يا ويلي اِبـأثـر حُمرة عين

اِبسابِع سِمه والمُختار .. اِيشوف ابوجِهه السَطرَه

*****

هاي الـوديـعـة اِستُرجِعَت يالمختار

وِاعله الظُلمها يِـبـدي حُـكـم الجبار

اِيجازي العِصَرها والي وَجْ باب الدار

بالنار يِصليه النار .. ابگاع الجحيم اِيعُصرَه

المرسل: الخميس, 31 كانون1/ديسمبر 2020