Sun20190915


شلون مارديت إليه

باسم الكربلائي

شلون مارديت إليه باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
شلون مارديت اليه - باسم الكربلائي
تاريخ الاضافة
2019-01-12
المشاهدة
454
المدة
00:00:00
عدد التحميلات
85

نص هذا المقطع

قصيدة : شلون مارديت إليه

للشاعر : حسام الحمزاوي

المناسبة : الليالي الفاطمية 1440

هيئة خدمة علي الاكبر - مرقد الحر الرياحي - كربلاء المقدسة

 

شلون مارديت إليه

وأحنه نتنفس سويه

شأخرك مو أنت تدري

بغير اديك تموت أديه

*****

بيا وكت لو ردت أشوفك ما أشوفك

وأنت المعلمني  أموت  وما  اعوفك

دفعو الباب وذكرت أعليه خوفك

ماردت سيفك ردت ريحة جفوفك

هُمه يمي وروحي يمك

ياعلي الكاتلهم اسمك

وعلى عنادك صار غدري

بغير أديك تموت اديه

*****

دخلو  الدار  ولذت  من  شتموني

صحت ليش . ودفعو الباب أولوني

الباب والحايط بچن من گابلوني

صحت وينك ياعلي وسطرو عيوني

خدي أزرگ من أديهم

الله لا يرضى عليهم

خسروني أحلام  عمري

بغير أديك تموت أديه

*****

ماشفتهم بس شفت موتت شبابي

بظلعي جلّب  ماقبل ينطيني بابي

لجل ستري أتحملت شوغت عذابي

أغلى من أبني شفت لزمّت حجابي

طاح مثل السبحه مني

بكلبي أصيح اسم الله يبني

خفت لا ينسمع كسري

بغير اديك اتموت أديه

*****

سيف أصير أكبالهم لو عندي واجب

لكن  أني  الزهره  والعدوان  أجانب

أكدر أدعي وما دعيت أعله  النواصب

خفت أشيلن راسي وأطيح الكواكب

للدعاء ما أكلف أيدي

الله أقرب من وريدي

سلمت للباري أمري

بغير اديك اتموت أديه

*****

عيالي يم راسي بجو غالي ويغالي

شفت زينب رادت تموت أبدالي

والحسن بيميني وحسين بشمالي

و سورة الكوثر علي بذني قرالي

گمت أسمعهم وأغمض

حيلي مات وكلبي يركض

بالنفس جتفني دهري

أبغير اديك تموت اديه

*****

روحي طلعت تشتكيلك من ونيني

عگب  ذاك  النور  صارت حمره عيني

متت  بس  ماراح من وجهي حنيني

لگبري  جيب  أولادي  لمن  تعتنيني

من تجيني يفض نحيبي

بصوتك من اسمع حبيبي

لا تظن يمنعني كبري

بغير اديك اتموت اديه

*****

ياعلي أدفني بظلام وطفي شمعي

ما أريد  المو  زلم يم  گبري تدعي

أني أريد الگلبه حار الچنه دمعي

المحترگ گلبه عليي يندله ظلعي

الجنه باجر للبچالي

النار للظلمو عيالي

ومن اشوفك يطفه جمري 

بغير اديك اتموت اديه

المرسل: الخميس, 11 نيسان/أبريل 2019