Mon20191014


بكربله قلبي فداك

باسم الكربلائي

بكربله قلبي فداك باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
بكربله قلبي فداك - باسم الكربلائي
تاريخ الاضافة
2019-01-12
المشاهدة
299
المدة
00:06:27
عدد التحميلات
71

نص هذا المقطع

قصيدة : بكربلا قلبي فداك

للشاعر : عمار هليل الواسطي

طور : اختك_وعنك_مشيت

المناسبة : رثاء الامام الحسن (ع)-7صفر1440|آل بلاغي

بكربله  گلبي فداك

بهيئة القاسـم إجاك

*****

بروحي ذاخرهه إلك هاي الهديّه

يا حُسين وإنته أقرب منّي ِلـيـّه

بَلّغت رمـلــه بـتـفاصـيل الوصيّه

الموعد بعاشور برض الغاضــريّه

گلبي ملهوف إعْتناك

بهيئة القاســم إجاك

*****

إنته تدري شگد غلاتك خويه عندي

ريت سهم الصوّبك لو صـاب چبدي

يومك أصعب آني ما ظليت وحدي

اعليك لو صح أذرف عيوني اعله خدي

صوت حسراتي النعاك

بهـيــئــة القاسـم إجاك

*****

ما ردت عرس ابْـني يضوي بيوم شمعه

ردت يتحــنّــه بدمــاه والشمـعــه دمعه

ورمله بدموع الحزن يم راســـــه تـنـعه

هاي فجعه وهيّه مــو كـل فجعه فجعه 

دمعي يحسين بعزاك

بهيــئـة القاسـم إجاك

*****

چبدي صح بالسم تگطّع وانته حاضر

لچن  ما داست على صــدري الحوافر

راسي چـــان بحـضـنـك وظليت أكابر

راسي ما شــالــه الرمــح بين العساكر

كل ونيني وهمّي ذاك

بهــيـئة القاسـم إجاك

*****

يالحنــيــن وآني أعـرف هـذا طبـعك

اتذكرتني بكـربــلــه ونّيـــت أسـمـعك

آني ما قاصـــــد يـبـو الأكـبـر أفجعك

نروح فــــدوه آني والقاســـم الدمعك

نبض گلبي الما نساك

بهيئة القاسـم إجاك

*****

لا يــهـمّـك إبـنـي لو بالــدم تخـضـّب 

هذا قربـــان الإخــوّه وإنــتــه أَوْجب

وصّي زينب لا تـنــوح وخاف تـتعـب

حيل يحتاج السبي وشتـصيــر زينب

عمري يوم الطف لگاك

بهــيـئـة القاســم إجاك

*****

أدري گلبك يالأخو بالطـــف تفطّر

من نِظَرْت القاســـــم إگبالك توذر

گلب والد يعني چنّك شفت الأكبر

والمهم خـــويـــه فــداك وما تعذّر

كل جزء لبّــى نداك

بهيئة القاسـم إجاك

المرسل: الأربعاء, 10 نيسان/أبريل 2019