Wed20191211


مو من ضلوعي

باسم الكربلائي

مو من ضلوعي باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
مو من ضلوعي - باسم الكربلائي
تاريخ الاضافة
2019-01-01
المشاهدة
318
المدة
00:00:00
عدد التحميلات
85

نص هذا المقطع

قصيدة : مو من ضلوعي

للشاعر : السيد عبد الخالق المحنه

المناسبة : الليالي الفاطمية 1440

هيئة خدمة علي الأكبر - كربلاء المقدسة - مرقد الحر الرياحي

 

مو من ضلوعي أون

ذبحتني كلمة و إن

ما استغرب الصار .. و اعرفه امن البدايه

و ادري بصاحب الغار .. منافق مو حمايه

*****

هذا الوكت ما بي وفه

كلمن وفي عد روحه

حتى الملح ماصخ صفه

بس دمعتي مملوحه

بجوني و اني بلا دمع

و المثلي يبجي جروحي

دخان عيني من صعد

عين الشماته تلوحه

و الما لفظلي اسم

هسه رجع ينتقم

و انه بعمر الورود .. و اباوع للمنايه

و ادري بصاحب الغار .. منافق مو حمايه

*****

بالدار و عندي حدث

ايامي جن معدوده

اسمع كلام الطاغيه

و اسمع حديث جنوده

قال لوله لا تقرب ابد

دار النبي و حدوده

و الزهره موجوده تره

قلهم و إن موجوده

قلهم اجمعوا الحطب

ما استنحي امن العتب

لازم احرق الباب .. يقلهم عندي غايه

و ادري بصاحب الغار .. منافق مو حمايه

*****

معروفه بأيام المحن

تصبح قليلة احبابي

بس اليموت اعله الشرف

يستحق دمع اعتابي

ظليت ادافع و اندفع

ضلعي و جنيني و بابي

تالي عفت حتى الأبن

بس لزّمت بحجابي

الراية راية نذل

و النية نية قتل

وين اليطلب الثار .. يحقق بالجنايه

و ادري بصاحب الغار .. منافق مو حمايه

*****

مذبوحه من كلمة وإن

و اني اعرف بتاليها

تاليها بالطف تنحجي

يم زينب و تاذيها

جم صوت يلعب عالمتن

جم شامت يحاجيها

و التتعب ايده امن الضرب

يوقف يشتم بيها

من تنحني امن الالم

تنخه يراعي العلم

من اتصور الحال .. لربي مشتكايه

و ادري بصاحب الغار .. منافق مو حمايه

*****

يا ناس مو قصة ضلع

لكن بدت آلامي

اني عشت دور السبي

و اتلفت اعله ايتامي

لا ما شفت باب احترق

جان الحرق بخيامي

قدامي ما شفت الهجم

شفت الشمر قدامي

و الما يحب النبي

ياخذني باجر سبي

باجر هجمة الدار .. تمر اعله السبايه

و ادري بصاحب الغار .. منافق مو حمايه

*****

عندي ابن اسمه القمر

حتما يهل اعلينه

عباس احبه اعله الاسم

كل احنه منتظرينه

من سطروا عيوني شفت

سهم اللي صوّب عينه

من خدرن جفوفي صحت

و انظر قطع جفينه

شفته يصد عالخدر

ما قصّر و يعتذر

لا ما شفنه عطشان .. يموت و بيده مايه

و ادري بصاحب الغار .. منافق مو حمايه

*****

عطشان محسن من وقع

و الحاله شغلت بالي

ثاري بقتل محسن شفت

عبد الله يتراوالي

و السهم اعمه من مشه

و الطفل نحره ايلالي

صورة ابوه ذبحة حلم

و الغالي يشكي الغالي

يحس بحرارة دمه

مد ايده من الضمه

لا ما ميز السال .. دماهم لو دمانه

و ادري بصاحب الغار .. منافق مو حمايه

*****

بضلوعي مو هسه الكسر

بالطف تره يكسرونه

عشرة خيول مجربه

اثقل حجم جابوها

من تسحق ابصدري ولدي

تتراوح يخلوها

و ابجثته لو ماكو نبي

صقوني ما سحقوها

و اهناكه يبدي الجرح

من القفه انذبح

هاذي سطرة العين .. تبين بالنهاية

و ادري بصاحب الغار .. منافق مو حمايه

المرسل: الخميس, 11 نيسان/أبريل 2019