Thu20191121


ما مصدق

باسم الكربلائي

ما مصدق باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ما مصدق - باسم الكربلائي
تاريخ الاضافة
2018-12-29
المشاهدة
284
المدة
00:12:25
عدد التحميلات
72

نص هذا المقطع

قصيدة : ما مصدق

للشاعر : محمد الفاطمي

المناسبة : الليالي الفاطمية 1440

هيئة الصديقة الطاهرة - الديوانية

ما مصدگ ماتت امي البارحة

گلبي ما ينطيني اقره الفاتحه

يا ارض تدفن سمه

شلون افارگ فاطمة

گلبي ما ينطيني اقره الفاتحه

*****

اليفقگد امه دموعه شوگ و انتظار

يبجي من الليل باطراف النهار

برد كلشي بعيني بس اصوابي حار

باردة احضاني رغم انفاسي نار

بكل برأة حسين يسأل والده

بيش يتعوض حنان الوالده

كلشي بيّه تيتمه

شلون افارگ فاطمة

گلبي ما ينطيني اقره الفاتحه

*****

بويه بعد اخضر گبر جدي الرسول

بيا گلب اتحمل فراگ البتول

البگه براسك يگلولي و شگول

خاف يگصر صبري و عتابي يطول

شفتك اعله الباب عينك شابحه

و امي تستاهل الدمعه المالحه

حگها عيني تصب دمه

شلون افارگ فاطمة

گلبي ما ينطيني اقره الفاتحه

*****

بويه متبسمر على شفافي الكلام

مساهر و بسمار وسط ضلوعي نام

اباب بيتك ذبحوا الحب و الغرام

ما اعرفه شلون تشييع الحمام

ذبحوا المحسن گبل ميلاده

ما دروا ميلاده بأستشهاده

الورده يذبحها الضمه

شلون افارگ فاطمة

گلبي ما ينطيني اقره الفاتحه

*****

امن انوي اقره الفاتحة تفز السنين

و احط عيني بعين رب العالمين

الوحشة تكتل و الحنين يظل حنين

الباقيه اعله اشفافي بس الأمي وين

اطب للدار و تفك ذرعانها

يا هلا وليدي اعله طرف لسانها

روحي ظلت هايمه

شلون افارگ فاطمة

گلبي ما ينطيني اقره الفاتحه

*****

و هيه امي اشافت ابهاي الحياة

و تارس الحيطان آه و ذكريات

ماتت امي و عدل انه و حيلي مات

يألمني من اذكر اسباب الوفاة

صوت جف الاول البجّاني

و الشتم و ال و إن من الثاني

الكسر ضلعي و هشمه

شلون افارگ فاطمة

گلبي ما ينطيني اقره الفاتحه

*****

گبل جنت اعطش يجي احساس امي غيم

هسه اشم دخان من عگب النسيم

و انه بين اصبر و بين الله كريم

امنين متباوعلي تلگاني يتيم

بويه بس اثمنطعش بسنينها

زغيرة بس جبيره سطرة عينها

صعبه يا حامي الحمه

شلون افارگ فاطمة

گلبي ما ينطيني اقره الفاتحه

*****

بين امس و اليوم حسرات و نحيب

ابيتنا و گمت أشعر بروحي غريب

ايعيش ميت كل محب فاگد حبيب

يگف كلشي و يركض براسه المشيب

اهنا بجت و اهنانه جانت طايحه

اهنانه گالت اني باجر رايحه

اهنانه دلالي انرمه

شلون افارگ فاطمة

گلبي ما ينطيني اقره الفاتحه

*****

بويه من تزورها اتشملي التراب

گلها ابنج يبجي كلما صدله باب

گلها وجناتي مثل لون المصاب

ضلوعي بالطف راح اوزعهن ثواب

گلها يوميه اموت بدونج

كلشي اسود صار لجل امتونج

بهالسنين المظلمة

شلون افارگ فاطمة

گلبي ما ينطيني اقره الفاتحه

المرسل: الخميس, 11 نيسان/أبريل 2019