Tue20191119


خيمة الحب

باسم الكربلائي

خيمة الحب باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
خيمة الحب - باسم الكربلائي
تاريخ الاضافة
2018-12-29
المشاهدة
479
المدة
00:11:49
عدد التحميلات
100

نص هذا المقطع

قصيدة : خيمة الحب

للشاعر : احمد الذهبي

المناسبة : الليالي الفاطمية 1440

هيئة خدمة علي الأكبر - كربلاء المقدسة 

خيمة الحب و الوفه و العاطفة

و شمعة حياتي

انتي ميته لو آنه ظهري انحنه

و حانت وفاتي

قلبي ما شال المصبية

شايل جنازة حبيبه

*****

حيدره العندي الحرب ماتسوه شعره

مو هذاك المايرد سيفي امن اشهره

اتراجفت كلي على اوداعج يزهره

الموت مو خيبر تره واكدر اكسره

والهجر مو ابن ود خاطر اشطره

شايلج مدري شلت عمري اعله كبره

الجانت الروحي ولف فوك الجتف

شايل نعشها

والاميره اعله النسا حقها أنسا

وهدمو عرشها

انحسبت احساب الغريبه

قلبي ما شال المصيبه

*****

ارتجز وكت الحرب واحجي الاريده

وسيفي مثل إحجايتي هم ما اعيده

الفارس اليشرد جنت بالخزرة اصيده

مو على بالي هذن و انتي بعيده

حالي حال الينذبح كدامه عيده

من شفت باب الملك دفعوه عبيده

حرقوا الباب و شفت و اتعذبت

بس مو بديه

عاتب السيف الغمد شو ما ترد

قتله الوصية

حالتي والله عجيبة

قلبي ما شال المصيبه

*****

يا قلب حيدر علي قلبج مكاني

غسلت روحي لمن غسلتج اني

لو يمد ايده و يجس نبضي زماني

ميت بدونج و لا عايش لكاني

عمرج بطول النده و موتج ثواني

ما اغطيج بجفن كون بحناني

و القدر حكمه انفرض بس النبض

حافظ وعدنه

قلبي وي قلبج يدق شوق و عشق

مهما بعدنه

يا عشق عمري و نصيبه

قلبي ما شال المصيبه

*****

داخل بجم معركة موت و خضتها

اهزم بسيفي دول لو نازلتها

لاجن فراقج حرب ما جربتها

دنقت بيها و شفت مرها و عشتها

جنازتج دنيه و على اجتافي شلتها

و شيّعت معنى الفرح من شيعتها

ينزل بخدي الدمع يشرح وضع

حالي برحيلج

انتي شلتيني عشق اني صدق

بجنازة اشيلج

الطيبة اليجازيها طيبة

قلبي ما شال المصيبه

*****

احفر بلحدج و اسولفلج عليّه

مو علي  جني و علي حامي الحميه

و لا هذاك اللي شمس ردّت اليّه

الجنت صاكرهم صكر هجموا عليّه

و كسروا اجناحي بكسر ضلع الزجيه

و الفقار مجتف بحبل الوصية

سمعوا اموصي النبي و اهل العبي

شافوا حجابج

والله لو مسموح الي وداعت علي

شيحرقه بابج

بيهم آني اطفي لهيبه

قلبي ما شال المصيبه

*****

و ارجعت ونة محب مجروحه ونته

بلايه قلبي و القلب يمج دفنته

و دمج ال ـ عالباب انه بدمعي غسلته

و المكان البي عطر منج حضنته

و زينب اقبالي جرت دمعتها سكته

ما بقه قالت بعد بس الله و انته

طاحت الخيمة و بعد ما ظل احد

و اتقله يمه

اليلبس ثياب اليتسم بي ينلجم

و جرحه شيلمه

و شيلم دمع المصيبة

قلبي ما شال المصيبه

*****

يا دلالي و هيبتي و زهرة زمانج

ماليه البيت بدفو بطيبة و امانج

جانت الجنة تجي و تغفه بجنانج

و الحسن و حسين اجوا شافوا مكانج

دوروا بي ما لقوا ريحة حنانج

كلمة الـ يمه شكثر حلوة بلسانج

حضنج احلى امن الوطن ىمو للزمن

ينقط محنه

و اسمج الغالي انكتب نور و ذهب

و حروفه جنه

رحتي و الراح شيجيبه

قلبي ما شال المصيبه

المرسل: الخميس, 11 نيسان/أبريل 2019