Tue20190820


أم الأرض

باسم الكربلائي

أم الأرض باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ام الارض - باسم الكربلائي
تاريخ الاضافة
2018-12-23
المشاهدة
166
المدة
00:11:33
عدد التحميلات
57

نص هذا المقطع

قصيدة : أم الأرض

للشاعر : السيد عبد الخالق المحنه

المناسبة : الليالي الفاطمية 1440

طور : آخر_فرض_يم_الخيم

هيئة الصديقة الطاهرة - الديوانية

 

أم الارض انه و صرت غريبة

امسي بمصيبة و اصبح بمصيبة

ليش انسطر وجهي و انه الحبيبة

*****

طبع الكريم الينكرم

شكره مضاعف ينرد

بس اللئيم و للاسف

من ينكرم يتمرد

و الساتر الله من زمن

بيه اللئيم تسيد

و اليطعم الذيب شحصل

لو ما حسب غضة يد

بهاي البشر حتى العتب خسارة

و الما وِقرنا ينسلب وقاره

بعد الجرالي ما بقت عجيبة

ليش انسطر وجهي و انه الحبيبة

*****

شبسرعة هالودام نست

جهد النبي و افضاله

و العايش بذلة دهر

رايد عليّه يتعاله

معروفه صحبتهم جذب

من هجموا اعله عياله

ما حملوا السيف بحرب

بس للحطب حمّاله

سلوا سيوف اعلينه مو لاجلنه

اول مراجلهم قتل طفلنه

بعده النبي ما طوّل بمغيبه

ليش انسطر وجهي و انه الحبيبة

*****

باب الحرگتوا اعتقد

واجبكم تقدسونه

لازم تصيغونه ذهب

مو لازم تحرگونه

اني ادري بالأعمه قلب

ما يفيده شوف عيونه

و الما ثبت بالمعركه

قائدكم تنصبونه

جان الوحي يستأذن و يجينه

و انتم هجمتوا بالحطب علينه

هاذي الحقيقة المؤلمة الرهيبة

ليش انسطر وجهي و انه الحبيبة

*****

اني آمانة امن النبي

بس للاسف خنتوها

ما گال اعصروا فاطمة

گاللكم توقروها

ورده بوكت ما بي ورد

واجبكم تحاموها

ما صرتوا فيّ و لا نده

غايتكم تذبحوها

و العقروا الناقة غضب اجاهم

و القتلوا الزهره شنو جزاهم

اني البتول امن العرش قريبة

ليش انسطر وجهي و انه الحبيبة

*****

جنتوا شتات اعله الارض

بس والدي جمعكم

جنتوا تعيشون بحفر

فوگ القمم وصلكم

حذركم بقول و فعل

لا تقربوا المو الكم

تالي تگيدون الذي

رد الكتايب عنكم

ليش القلع خيبر قلعتوا بابه

عصبة ردتكم ما ردت عصابه

لكن مرضكم ما يصح طبيبه

ليش انسطر وجهي و انه الحبيبة

*****

كلمن يرد لأصله نعم

و انتوا بأصلكم غابه

واحدكم بوكت المحن

كشّر علينه انيابه

شفت الأبد ما يستحي

تركض وراه اذنابه

بعده الفقار بجف علي

لازم حسبتوا حسابه

و المنكسر وجهه كسر ضلوعي

ماكف اذيته و لا رحم دموعي

بابي و دليلي ما طفه لهيبه

ليش انسطر وجهي و انه الحبيبة

*****

يالتدفع الباب استمع

لو گتلك اني الزهره

جاوبني هم عندي ذنب

جان الجواب بسطرة

لمن سمع كسر الضلع

لصحابه زف البشرى

ظل يدفع بأيد و متن

حد ما طحت عالغبره

لمن طحت سبني و لا تردد

لازم هبل يرجع لبت محمد

فاطم منيتج اصبحت قريبة

ليش انسطر وجهي و انه الحبيبة

*****

حرمه و يتيمه و يا ذنب

مني صِدر فهموني

يا بت نبي قبلي نولت

و اتشتمت حاجوني

يالما تريدولي الفرح

ابجي و اون خلوني

ياللي قتلولي طفل

نيتكم تقتلوني

شافتني زينب و انحنت عليّه

و اني شفتها بلا خيم سبيه

آل النبي كلمن رضه بنصيبه

ليش انسطر وجهي و انه الحبيبة

المرسل: السبت, 13 نيسان/أبريل 2019