قصيدة : شيعتها

الشاعر : محمد الظالمي

الرادود : الحاج ملا باسم الکربلائی

المناسبة : الليالي الفاطمية 1440 ھ

هيئة الصديقة الطاهرة - الديوانية

 

شيعتها .. لكن يشيعون بيه

شيعتها .. مو نعش شلت الثرية

شيعتها .. و ادفنت روحي بأديه

*****

الليلة عشت بحالة ما عايش مصيبة

حامي جاره و ما قدر يحمي الحبيبة

و اني جفي للقمر يقدر يجيبه

شأخره عالساطر و صارت عجيبة

من ضربها .. تغييرت كل المعاني

من ضربها .. صاحت السبع المثاني

من ضربها .. يعرف براسي وصية

*****

منو مثلي بالبشر مكسور قلبه

الفارس الانزع بعد ما يشوف دربه

كل حروب الدنيا ما صارتلي صعبه

يا وكت القه اعله وجهي آثار غربة

ما عشتها .. و اني للمحتاج ناصر

ما عشتها .. حالة المكسور خاطر

ما عشتها .. ابقه و تموت الزجيه

*****

بيه صوت يفّتح ابواب المدينة

بيه صرخة آه محبوسة و حزينة

خل يجي نوح الني و تشوف عينه

اني نوح و هسه ما عندي سفينة

حاربوني .. و السبب عندي الوديه

حاربوني .. و خلوا عيوني شريعة

حاربوني .. و طبقوا جفوني عليه

*****

شيعتها و اني مفطوم ابوراها

باجر يقولون عني ما حماها

قيدتني وصية وصلت مبتغاها

والله ما يدرونها اتلمس دماها

هالعزيزه .. راحت و ظنتني ناسي

هالعزيزة .. شيبت كل شعر راسي

هالعزيزة .. وسفه دفنتها خفية

*****

اني شمس الله و اشوف الدنيه ظلمة

ابالي اذكر ضلع شاغلني اويه دمه

الزم الببسمار و اشعر لسه لجمه

الف يعقوب اعله حزني ما يكظمه

عيني حمره .. و التفت محد يجيني

عيني حمره .. عشت مسطور اعله عيني

عيني حمره .. ونتي كلش شجيه

*****

ليش يا دهري خذت من عندي زهره

و اني قلبي النمل ما بيه اكسره

الليل بدموعي اذا ونيت اعصره

والله ما يقدر يغير مني نظرة

ها يليلي .. شو قمت وياي تنحب

ها يليلي .. لا تون تسمعنه زينب

ها يليلي .. انته شاهد عالقضيه

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x