قصيدة : رمضان وصفر

️الشاعر : حمزة السماوي

الرادود : الحاج ملا باسم الكربلائی

المناسبة : ليلة ١٩ رمضان ١٤٣٩ العاشور

 

رمضان و صفر .. تتشابه صور

تنعاد الجروح .. بقلب المنتظر

*****

تنزف سنين المَحَنّه من مواليد للهجر

بين رمضان و صفر انت قلبك منكسر

شهر رمضان اليتامه بباب حيدر تستقر

وبصفر وسط الخرابه يتامه تغفه باليسر

قعدوا بالدرب .. ما شافوا ضرب

ما واحد يموت .. من خوف السهر

*****

هالشهر شهر الله نعلم تنزل اشكال النعم

انته رزقك يابو صالح تفطر دموع و الم

تنفتح بيبان في رمضان من اجل الكرم

و بصفر قصر آل أمية انفتح بوجوه الحرم

يا عيد الفطر .. غير باليسر

استقبال الضعون .. بأعياد الضفر

*****

زينب وشحجي اعله زينب عاشت بروحك جرح

تشوف طبرة بشهر رمضان ودمه الغالي يسح

بس اقولن الله يستر من تباوع عالرمح

اثنعش طبره و عين اخوها حين تعثر تنفتح

و بطول السبي .. عينه اعله العبي

لو طفله تطيح .. ينظر للقمر

*****

ينزل القرآن أدري من فضائل هالشهر

وعلى صدر الهادي جدك وانعرف هذا الخبر

بس تعال و شوف بالطف يوم عشرين بصفر

من بعد ضيم الصحاري الراس ينزل عالنحر

و من ذاكه الوكت .. زينب تلتفت

تسأل بالتراب .. المهدي ما ظهر

*****

مرت اعصور الزمان وهسه شوف المسألة

و الفقر بالصوم يظهر عائلة عن عائلة

بموسم المشايه باجر كلها تتساوى المله

سفره من البصرة تنمد توصل الحد كربله

بالحر و البرد .. السيد و العبد

من كل الشعوب .. تتساوى البشر

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x