Sat20191207


يا علي السامري

باسم الكربلائي

يا علي السامري باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يا علي السامري - باسم الكربلائي
تاريخ الاضافة
2018-12-18
المشاهدة
212
المدة
00:09:46
عدد التحميلات
70

نص هذا المقطع

قصيدة : ياعلي السامري

للشاعر : سيد سيد الصافي الرميثي

المناسبة : الليالي الفاطمية 1440

طور : اخت_القمر

هيئة الصديقة الطاهره - الديوانية

يا علي السامري

طفه ضي ناظري

عصرني و سطرني

و انكسر خاطري

*****

جيّت الناوي الغدر متعني داري

هو يدري بعفتي و ستري ووقاري

من دفع بابي و نهرته و دمعي جاري

تحجبت من خوفي بيميني و يساري

ما خجل من صحت

صوبتني و طحت

شتمني و هضمني

و الصبر ناصري

*****

و اني بيك استنجدت يا حامي جارك

طايحه ابشده و نخيتك بأنتظارك

حقه لو يزعل على يمينك فقارك

ياللي حيّرت الصبر من اصطبارك

من اثر شدتي

وجهت شكوتي

عتابي و عذابي

و صبري و مكابري

*****

من شفت يا حيدر النار السرية

صارت قبالي الخيم و الغاضرية

قمت اصيحن وين بنتي الهاشمية

وين ليلى و رمله و سكينة و رقية

نار ما تنطفي

بداري ما تكتفي

حطبها و لهبها

بايع و مشتري

*****

صبرك اعليه اشد من الجرالي

انا غيرك يا علي ما عندي والي

و الحسن و حسين اولادي الغوالي

قابلوني ابحسرة يبجون اعله حالي

ما يداوي الدمع

لوعة من الضلع

ولاني امن جاني

ظالمي و غادري

*****

روحتك للمسجد الزادت ونيني

خلفك اسعي بلوعتي و هايج حنيني

ما جنت ادري بغفل حاقد يجيني

يا علي بجفه سطرني و طفه عيني

تدري يا حيدر

دمعي من دم جره

هضيمه و ظليمة

المت ضامري

*****

فاطمة ابدرب الولاية اول شهيده

ليش صاحت ينهضم حق الصميدة

هذا نفس المصطفى و نفس العقيدة

و اني ابني المهدي ياخذ ثاره بيده

من بعد غيبته

يظهر برايته

اعتقادي بمرادي

وارث العسكري

*****

لو متت رب العرش يخلقلي شيعه

كل صباح تصيح يا ثار الوديعه

و ثار ابنهها السلوا اثيابه و رضيعه

و ثار زينب و ثار الجفوف القطيعه

كل وكت شيعتي

تبجي لمصيبتي

اجرها بحشرها

ينصب منبري

المرسل: السبت, 13 نيسان/أبريل 2019