Mon20191216


بهاي إديه

باسم الكربلائي

بهاي إديه باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
بهاي اديه - باسم الكربلائي
تاريخ الاضافة
2018-12-16
المشاهدة
162
المدة
00:07:30
عدد التحميلات
69

نص هذا المقطع

قصيدة : بهاي إديه

للشاعر : حسام الحمزواي

المناسبة : ليلة 25 محرم 1440 هـ

المكان : حسينية ام الحسن (ع) - البصرة - قضاء الفاو

 

بهاي اديه  ودعتهم غالي غالي

شباقي بيه ودفنتهم  غالي غالي

على دموعي واعدتهم غالي غالي

*****

والله ماانساهم الجانو ضواي

راحو وهم زين ظل بعيوني ماي

جنت امشي بأ خوتي مأمن گفاي

هسه لمن إلتفت محد وراي

انه زينب  فاركوني  كمره كمره

راح اوزع  من عيوني  كمره كمره

دمعي بيه  عالأحبهم  والي والي

بهاي اديه  ودعتهم  غالي غالي

*****

من علي السجاد يلجمني الهوه

ذكريات اجفوفي وجفوفه سوه

ومثل ما بمتوني بمتونه انجوه

لعلت افراكي بعد ماكو  دوه

مني راحو   ماي عيني  گطره گطره

واستراحو   ظل حنيني  گطره گطره

من الاذيه  سولفتهم  حالي حالي

بهاي اديه ودعتهم  غالي غالي

*****

حيل ماظل بيه  من  راحو  هلي

ما   أكوم   الا   اكولن  يا علي

بالدعاء حتى الشمس تدنه الي

ليل  ليل  بعيني  ادور  كافلي

بشتياقي  بكلبي نبضن  دمعه دمعه

الليل كله  بخدي ركضن  دمعه دمعه

ماكو جيه  شاهدتهم   تالي تالي

بهاي اديه  ودعتهم    غالي غالي

*****

صرت  اول  حرمه  بفراك  أنذكر

شسوه بيه  الله لا ينطي الشمر

ماكو واحد ماعرف بيه كسر

من مشيتي امبينه فاركني بدر

ظلي ظلي  حشمتهن  نجمه  نجمه

يسولفلي   عن كمرهن   نجمه نجمه

بكل مسيه  انتضرهم  عالي عالي  

بهاي اديه  ودعتهم   غالي غالي

*****

اصفن وعيني يغمضها الدرب

انه اول تالي بسياط انضرب

تراب من راسي واصل حد القلب

حيل  وياج  اسمعتها  من  الغرب

من سكوتي    بيه تكبر   جلمه جلمه

حتى صوتي  يطلع احمر   جلمه جلمه

مو سبيه    بس عفتهم   خالي خالي

بهاي اديه   ودعتهم   غالي غالي

*****

بكلبي لجمات الحرب ماظن تروح

من الطفوف لحد علي السجاد انوح

والله مدري شلون ظلت بيه روح

الموت ماخذ راحتي وخله الجروح

لموتي اصبر  بس اتاني  ساعه ساعه

ميته وانطر   موت ثاني   ساعه ساعه

الموت اليه  شوفتهم  بالي بالي

بهاي اديه ودعتهم غالي غالي

المرسل: السبت, 13 نيسان/أبريل 2019