Sat20190824


يقضن محرم وصفر

باسم الكربلائي

يقضن محرم وصفر باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
يقضن محرم وصفر - باسم الكربلائي
تاريخ الاضافة
2018-11-15
المشاهدة
105
المدة
00:00:00
عدد التحميلات
56

نص هذا المقطع

قصيدة : يقضن محرم و صفر

للشاعر : عمار هليل الواسطي

ليالي الأربعين - هيئة الصديقة الطاهرة

ليلة 25 صفر 1440 -هـ - الديوانية

 

يگظن محرم وصفر بس تبقه كل عين

تنتظرك وتحسب سنه يالغالي يحسين

*****

أيام تخلص بس تظل اجروح الأيام

واليوفي عشرت خدمتك بس هذا خدام

من المدينه الاربعينك كربله وشام

أحاه يمصاب الفجع بحزانه دارين

*****

ما نشفت الدمعه بعد يا أغلى محبوب

حتى على المشايه تبچي عيون الدروب

والحسره ظلت يا حسين بكل الگلوب

شهرين مرن عالمحب بس چنهه يومين

*****

مرت سريعه وما شبع نوح الموالي

تدري انته غالي واليحبك دمعه غالي

يرخص الك إي والذي عالرمح عالي

لو بيده يبچي اويه الدموع عيونه الاثنين

*****

لا يوم يشبه يومك اشما مرت أحزان

للدمعه عاشورك صفه يحسين عنوان

كل گلب بعده المجلسك من هسه لهفان

ويگول لحظة بمجلسك تتحصل إمنين

*****

كل ذكرى يكتبهه الحزن بكتاب الدموع

صارت الحبك ترجمه للگلبه مفجوع

والبعده يلطم من أهد ما چان ممنوع

يشتاگ لآيام الحزن يحسين مرتين

*****

والخادم يقدم إلك روحه هديه

شهرين يطلب نظرة الزهره الزچيه

أسأل الباري اليرضه من ترضه عليه

ترضه القليل العندي ريت وأُوفي بالدين

*****

وياك يبن المرتضى خطيته عهدي

سمعا وطاعه يا إمامي هذا ردي

يا ربي عجل طلعة القائم المهدي

وينه وسؤالي بالدمع لمن گلت وين

المرسل: الأحد, 14 نيسان/أبريل 2019