قصيدة : باب الحوائج
️للشاعر : علاء عبد الحسين الكربلائي
المناسبة : استشهاد الامام الجواد (ع)
الزمن : ليلة 3 ذو الحجة 1439
طور : يا_ابوطالب
جامع الحاج علي باش بغداد الكريعات
باب الحوائج حياتي بإيديك
*****
وجه الله وجهك كريم النفس
وحدة من الاثنين شمس لو شمس
منك كرامات اجيت ألتمس
ما نشفت بيوم دمعتي عليك
*****
عالقاع قبرك ملاذ الزمان
خوف اليجيلك تبدله بأمان
عندي خدمتك ضمان الضمان
عاجز بيانه الوصف يحتويك
*****
شيخ المشايخ مضيفك جبير
يا مشبّع الضيف تحب الفقير
انت البداية و ملاذ الاخير
حاشا تخيبه الإجه و يرتجيك
*****
يعطش دليلي و تشربه الصبر
دوم بخيالي اشوفك تمر
بجد على بابك قضيت العمر
ماي و دليلي بعطش يرتويك
*****
ما مرة قلبي بغرامه ابتعد
نحسب عطاءك جبير العدد
تترس ايديّ و اقلّك بعد
و الراس حاسر وجوب اعتنيك
*****
الوادم سراب و محبتك صدق
ام انت يمك دليلي اليدق
مسيطر علي بجنون العشق
للنار تصبح حطب شانئيك
*****
خادم بدارك نشوف الوحي
كل ما اجيلك بخجل و استحي
يمك ذنوبي فقط تنمحي
ما عندي غيرك حبيبي و اجيك
play_arrow
play_arrow
play_arrow
play_arrow
play_arrow
play_arrow
تعليقات