قصيدة : شيبة شيبة

للشاعر : سيد غزوان الغالبي

المناسبة : ليلة 20 محرم 1440 هـ

حسينية الحاج داوود العاشور

شيبه شيبه

احسب افراقك عليه

شيبه شيبه

سبحة راسك بين اديه

شيبه شيبه

خطوة الفاقد منيه

*****

سبحة الزهره تره امن ايدي خذوها

قبالي قطعوا خيطها و من طشروها

طفله طاحت من ظعننا و ما لقوها

وين ما يندار اشوفن راس ابوها

سكته سكته

طاحت الدمعات مني

سكته سكته

خاف شامت سمع وني

سكته سكته

كبرتني الغاضرية

*****

انا امك لو اخت من ياهي اجيلك

راسك ابحضني قمت و ارد اشتكيلك

ساعة الولي المنحرك ساعة الدليلك

انه محتاره اشيبردلي غليلك

حيره حيره

فراق وجهك عطشاني

حيره حيره

بين اعوفك لو اتاني

حيره حيره

و اني راح امشي سبيه

*****

خويه بعيوني سوالف تفتهمها

من تغمض تذبح الوادم حِلمها

خله راسك عالرمح بس ابقه يمها

عالأقل ينقال وياها زلمها

هيبة هيبه

بالرمح تفتر علينه

هيبة هيبة

راسك اشراع السفينة

هيبة هيبة

شايله عيونك هويه

*****

حسين انته الشيّبت مدري امنياتي

هو مو هو قمت اسأل خواتي

حيل متغير مثل حالي و صفاتي

ارد اسّبح شيبك بساعة صلاتي

هيه هيه

الشيبه من طيخت قمرنا

هيه هيه

و طيحتك كسرت ظهرنا

هيه هيه

السلّبوا بيها رقية

*****

قبل ساعة ودعت ليل و عمامه

هسه شوف الصبح متبدي اعله هامه

ادري ما ترجع بعد لينه بسلامة

انه حسبالي بده يوم القيامة

خطوة خطوه

الموت لآطفالي ترواه

خطوة خطوه

وداعتك امشي برهاوه

خطوه خطوة

لو شبح وجه المنية

*****

سحقت اسنيني المصايب و الهضيمة

واكفه بعين العطش يا خويه غيمة

لملميت ارمادهن خيمة اعله خيمه

اقره بالقرآن و آياته الكريمة

خويه خويه

زينب الراحت اسيرة

خويه خويه

لكت بهيأة اميرة

خويه خويه

و هيبة العباس بيه

*****

انه ملتزمه بوصيتك و ابقراري

صير حيدر و انه بو ذر الغفاري

حيدريه فاطمية يظل شعاري

يا حنين وداعتك ما تطفه ناري

ردلي ردلي

يا عطر ذيج المحنه

ردلي ردلي

ظنتي تردنه لأهلنه

ردلي ردلي

و السوالف هاشمية

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x