قصيدة : يا أمير العاشقين
️للشاعر : حاتم صبري الكاظمي
المناسبة : ليلة 7 صفر 1440 | آل بلاغي
يا امير العاشقين .. جاي ازورك
وفقتني يا حسين .. جاي ازورك
*****
راية جروحي شلتها و معتني ليك
وي كل خطوة اصيح حسين لبيك
بالمشي يا اخو زينب من اناديك
من القبر عباس يهتف يا هلا بيك
تحيّ بس بلا ادين .. جاي ازورك
وفقتني يا حسين .. جاي ازورك
*****
سلبت عيني الراحة يالسلبوا ثيابك
حضرتك جاذبني من ريحة ترابك
بالمشي روحي اقدمها بثوابك
و اشتريها الوقفه يحسين اعله بابك
جابني جنح الحنين .. جاي ازورك
وفقتني يا حسين .. جاي ازورك
*****
العافية من اتعب ابرحلة مشيتي
شكو موكب ادخله اعتبره بيتي
يا حسين ابخدمتك عليّت صيتي
حيدرية و كربلائية هويتي
شكرا بهاي السنين .. جاي ازورك
وفقتني يا حسين .. جاي ازورك
*****
شلون ما ادري ارد هذا جميلك
وفقتني كل سنة مشاي اجيلك
زايرك كلشي نذرته في سبيلك
لو متت تلقاها روحي تهتنيلك
تصيح بين الحرمين .. جاي ازورك
وفقتني يا حسين .. جاي ازورك
*****
بروحي عطره ما يغيب حسين صحنك
لو الف كيلو متر يبعدني عنك
اي وحق جبد الحسن كل حيلي منك
انته ابويه الغالي و اني الزاير ابنك
ابسبب بر الوالدين .. جاي ازورك
وفقتني يا حسين .. جاي ازورك
play_arrow
play_arrow
play_arrow
play_arrow
play_arrow
play_arrow
تعليقات