قصيدة : طف كربله
️للشاعر : حمزة السماوي
طور : اشهد_لنا
المناسبة : رثاء الامام الحسن(ع) | آل بلاغي
طف كربله ناقص هله يالتكرم ابدمائك
سابع صفر سم ونحر يجتمعن ابعزائك
فارغ .. مكانك جان هناك
كلما .. اريدك ما القاك
*****
اخوك انه ابطشت راسي و ذكرتك
يما حاضرني تذكرني و حضرتك
شفت كلشي و ردت منك نظرتك
الوادم مو اوادم يا حسرتك
قطع راسي اللي ماكل من سفرتك
و لا غزّر ملح بيهم صحبتك
لو بالـ .. نفاق ابحب عاداك
كلما .. اريدك ما القاك
*****
اشحلاته ابكربله يصير المعسكر
اخويه الاكبر بصف ابني الاكبر
اليلاقيكم يلاقي بوجهه حيدر
بدر نهر الفرات و جيشه خيبر
احد زينب جبل و عليها نفتر
نحج حج الخيام و نبني منبر
مو من .. خشب من الاملاك
كلما .. اريدك ما القاك
*****
طلع من الخيم شاب ابغيابك
ابشبابه بينت انته ابشابك
الف رحمة صحت خويه الترابك
رفع راسك و لبس بالطف ثيابك
اجاني و بيده من عندك جوابك
بمصابه يا اخي تكرر مصابك
عرس .. السمه بعين الافلاك
كلما .. اريدك ما القاك
*****
ابو فاضل سأل عنك سمعته
مثل طيحة جبل طاحت دمعته
العلم ويانه وين حاضر رفعته
قبل جفه انقطع جفه قطعته
وفائك يمكن بعينك طبعته
طفوا عينه و بقت عينه اعله اخته
عباس .. اسمعه شيحجي وياك
كلما .. اريدك ما القاك
*****
سوالف كربله هواي و عديده
شعر ما يكفي لو تكفي قصيدة
رضيع بحضني من قطعوا وريده
من قماطه يخويه طلّع ايده
يقاعد بالسمه دمه بريده
اجاك و ما رجع يبن الصميده
دم .. الطفل لمّن ناداك
كلما .. اريدك ما القاك
*****
طلعت الوحدي و الله وحده يدري
عطش وجهي و دموعي تربه تجري
انادي يختي و اختي تنادي خدري
ردت وقفت اخو يلزملي ظهري
شفت بس الشمر حز بيده نحري
شفت بس حافر اليمشي اعله الصدري
هل من .. مناصر من فرقاك
كلما .. اريدك ما القاك
*****
لون بعدي يخوي انته حاضر
منو يوصل خيمنه امن العساكر
ابد ما ركضت و طلعت حراير
و لا وقعت يتيمه بنص حوافر
و لا صار اللي هسه براسي صار
و لا ماتت رقية اعله المناحر
صاحت .. رقية عمنه ارجاك
كلما .. اريدك ما القاك
play_arrow
play_arrow
play_arrow
play_arrow
play_arrow
play_arrow
تعليقات