قصيدة : الوداع
️للشاعر : عبد اللطيف خالدي
الهوسات الشاعر : السيد عبد اللطیف خالدی
المناسبة : ليلة 10 محرم 1440
هيئة شباب علي الأكبر (ع) - لندن
الوداع الوداع .. يا حبيبي يا حسين
*****
خويه رد .. للخيم
زينبك متألمه
جن جمر .. تستعر
هالوصية الفاطمة
اقبلك .. بالنحر
يا شبل حامي الحمه
قبل ما .. ينقطع
منحرك ينزف دمه
*****
لا تروح .. يا حسين
يا جرح اهل الكسه
عالأرض .. لو طحت
الشمر ظهرك يرفسه
و الخيم .. تستعر
بالصحاري تفر نسه
الواد من .. قلت
يعني منك آيسه
*****
عالهزل .. بالسبي
لو تعاين حالتي
حرمله .. مبتشر
من يشاهد كسرتي
خويه آه .. قاتلك
هو يلزم ناقتي
ارد اموت .. و لا شمر
خويه ينظر دمعتي
*****
طرت مثل الصقر مهيوب و شلت بقلبي حنيه
شايل خدمتك يحسين مثل الشهقه بالريه
اقيم بكل ارض لجللك يبو الأكبر حسينيه
تخدم خدامك هالشيبة
*****
الخادم ما تحده حدود بكل دولة عزه يأسس
ثابت بالخطى مهيوب ابد بأوهام ميسوس
لذلك شالوا عله الراس شباب الأكبر المجلس
و بمحرم رفعولك راية
*****
مجالسنه تظل للموت و بعد الموت هم تبقه
تعيش بنبرة الرادود و خطيب الينعه بالحرقه
بعد عمر الطويل نجدد باجر الملقه
بالجنه نواصل هالمأتم
*****
اليضحي بمنحره لجللك يوم العاشر شتنطيه
اقل شي تنطي دم راسك بلكت بالدمه توافيه
هذا المنذبح ظامي و خيل العده تدوس اعليه
يوم العاشر يوم جنوني
*****
ما محتاج راي الغير كلمن روحه يفهمها
الله اليعلم بنيتي شعيرة و كون اعظمها
اني اتذكرت زينب من ركضت على ابن امها
ريت الحز راسك حز راسي
play_arrow
play_arrow
play_arrow
play_arrow
play_arrow
play_arrow
تعليقات