قصيدة : هاي الخرابة
️للشاعر : السيد عبد الخالق المحنه
طور : مرت_سنة_ونص
المناسبة : استشهاد السيدة رقية (ع)
هاي الخرابة و هذا موعدنا
هاذ ا المكان البي تواعدنه
بس لا يجيني و ايده مقطوعه
بس لا يجيني مكسرة ضلوعه
*****
احمل للخل
شوق العطاشه النزلت المطره
حني وني
ون اليمين بطيحة اليسره
وضعي دمعي
دمع الامير و خادم يسطره
نظرة حسرة
حسرة شجاع و غلبته الكثرة
عيني اعله دربك و انعمت عيني
بعمر الطفولة و شابت سنيني
من لوعة اطلع اوقع بلوعه
بس لا يجيني مكسرة ضلوعه
*****
اصبر و اذكر
اخر كلامه من ركب مهره
انتي بنتي
صبرا يبويه و البعد فترة
اني ظني
هالليلة تنشف دمعتي الحمرة
اشكي بلكي
ما اشوفه راجع بثنعش طبره
هالليلة حتما يحضر الغالي
يشكلي حاله و اشتكي حالي
و امسح دموعي بجمرة دموعه
بس لا يجيني مكسرة ضلوعه
*****
انسه هسه
هاي الخرابة و انتظر وعده
لهفي خوفي
باقي اثر للحافر بخده
صبري مدري
و شلون اشبقه و رقبه ما عندي
حالي تالي
احسب جروحه و جم كسر عنده
خلي يجين بجثة متوذرة
عندي علامة الرفسة الـ بصدرة
لا ما يغيب و بنته مفجوعه
بس لا يجيني مكسرة ضلوعه
*****
ويلي ليلي
ليلة لقانا و الوعد قرّب
انعي و ادعي
لحظة وفاتي بجيته يا رب
قيدي بيدي
ماي العذب و اني انتظر و انحب
وحدي قصدي
حتى اقله يالغزيز اشرب
اشرب يظامي و ينجلي همي
ماي الارض ما يسوه جف عمي
كلمة يعمي بروحي مطبوعه
بس لا يجيني مكسرة ضلوعه
*****
احلف و اعرف
شكله تغير و اختلف شكلي
وني يعني
حيرة شقله و هو شيقلي
والحل ما ظل
حادي الضعينه بي شمخلي
نكبه صعبه
قّيد اديه اللي ذبح اهلي
لمّن يجيني و بيده ياخذني
يا حيريتي من ينظر الأذني
بالله شجاوب اني مصفوعة
بس لا يجيني مكسرة ضلوعه
*****
عندي ودي
لمّن يجيني الليلة والينه
ردته ابخته
ساعة اعله متني يخلي جفينه
اضمن حتما
انظر الحافر دايس ابعينه
و انشل و اسأل
يبن الزجية خنصرك وينه
اصغر مصيبة وصعبه اشرحها
بويه اليتيمه حجاية تجرحها
بليل السبايه الونّه مسموعه
بس لا يجيني مكسرة ضلوعه
*****
هضمه ضلمه
هذا الطشت ارعبني من شفته
نحرك عطرك
رغم المصايب اني ميّزته
احساسك راسك
مدري شيقلي و اني شابقته
وافهم و اعلم
هذا اللقاء الوالد ابنته
قلي يبويه اعله الوعد اني
عوفي الخرابة و اغفي بأحضاني
جانت يبويه النومه ممنوعه
بس لا يجيني مكسرة ضلوعه
play_arrow
play_arrow
play_arrow
play_arrow
play_arrow
play_arrow
تعليقات