قصيدة : طيف منك

للشاعر : عمار هليل الواسطي

المناسبة : عن العليلة

الزمن : ليلة 3 محرم 1440 هـ

طور :  يمته_سيفك

هيئة شباب علي الأكبر - لندن

طيف منك لو تشاهد عيني

ارد اقله الكربلا وديني

*****

ياللي صارت شوفتك بس بالحلم

بيش اشد الحيل لمّن ينهدم

حسرتي عالخد مدامع تنرسم

و الهجر يا واليدي ياذيني

*****

ياللي اخذت الروح وياك و رحت

بغير اسمك يا حبيبي ما صاحت

بويه شيبني البعد قد ما نحت

نار هجرك بالقلب تجويني

*****

تسعر النار و جمر مدمع العين

انته تدري شقد احبك يا حسين

وين جاوبني رحت يا بويه وين

تيمت عقبك يغالي سنيني

*****

سنيني حزنانه يبويه و انتظر

علمت حتى الصبر معنى الصبر

يا هو يوصل كربله انطيه العمر

فدوة يامن شوفتك تحيني

*****

هواي مشتاقه الك يا والدي

يبدي ليلي و حسرتي من تبتدي

بويه وبروحي القدومك افتدي

ما اضنك يالأبو ناسيني

*****

روحي بعيوني عليك معلمه

لا هو طبعك تنسى بنتك فاطمة

دمعتي يا والدي سالت دمه

انتظر يا مهجتي توافيني

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x