قصيدة : منتظرك سنة
️للشاعر : السيد عبد الخالق المحنه
الرادود : الحاج ملا باسم الكربلائي
اصدار : محرم _١٤٤٠
بسم الله نبديها هالثورة الكبرى
يالله اكتب تاريخك و العالم يقره
و بريشة ابداعك ارسملك ذكره
و اقراها و التطوي صفحات الصحره
*****
خطواتك نظراتك هوساتك
قلبي اتطمنه
احساسك دمعاتك كلماتك
قلبي اتطمنه
يا مشاي احسبلك انه
اهلا بيك منتظرك سنة
*****
انشودة مشايه و خطواتك عزفك
من كد ما تمشيها هالارض تعرفك
و العالم مذهوله و محتاره بوصفك
جن شايل نهر الطف مو راية بجفك
يالمقبل يمته تهل مستعجل
و اهتف يا علي
لا تهتم و اتبسم واتقدم
و اهتف يا علي
يا هالناس محبوبي اعتنه
اهلا بيك منتظرك سنة
*****
لا تبطئ خطواتك اسرعهن اكثر
كل نظرة بأرجوزة كل خطوة بمنبر
وحدهن نسقهن يا حيدر حيدر
انفاسك ثورية الله اكبر
لا تتعب يمجرب و اترقب
عين اعله الدرب
شد عزمك سجل اسمك و لعلمك
عيني اعله الدرب
اي مأجور و اجرك ضامنه
اهلا بيك منتظرك سنة
*****
امشيلي بس خطوة امشيلك عشرة
بدموعك بترابك اركض للحضرة
من تلزم شباجي و بصدرك عبرة
كل دمعه امن عيونك تترصع شذرة
يالباسل تستاهل و الكافل
اسمك سجله
ها وينك متناينك قر عينك
اسمك سجله
و العباس دربك أمنه
اهلا بيك منتظرك سنة
*****
قلبني اولهم ما ردتك اخر
ما توصل هالليلة توصلي باجر
لا تتعب لا تغفه و حسين تناظر
و تصور ناديتك مصباح العاشر
و تحامي كدامي و الظامي
عقلك جننه
داعينك حل دينك و حسينك
عقلك جننه
و النبضات عالحب مدمنه
اهلا بيك منتظرك سنة
*****
يالزاير افرحلك من توصل سالم
و الكلك ما سمعك كا شوفك واهم
عاهدتك تتحقق احلامك لازم
عاهدني ترجعلي بالعام القادم
يمفارق لا تفارق و العاشق
يتحدى القدر
من يقنع ما يخضع ما يرجع
يتحدى القدر
و المشاي بالطف موطنه
اهلا بيك منتظرك سنة
play_arrow
play_arrow
play_arrow
play_arrow
play_arrow
play_arrow
تعليقات