قصيدة : أحساسي من تطلع | يعباس يعباس

للشاعر : ناظم الحاشي

المناسبة : استشهاد ابا الفضل العباس (ع)

الزمن : ليلة 7 محرم 1440 هـ

هيئة شباب علي الأكبر - لندن

 

احساسي من تطلع

كل خوف ما ترجع

جاوبني من تسمع

يعباس يعباس

*****

يا خويه قاللها

للموته اقاتلها

بالسيف انازلها

و المشرعة ادخلها

و القاع ازلزلها

بأعدائي لا تشفع

يعباس يعباس

*****

قالت له يا عمري

خويه انكسر ظهري

عباس مو تدري

ما يحتمل صبري

بعدك حرت بأمري

و عيوني دم تظمع

يعباس يعباس

*****

يا زينب افنيها

و الميمنه انهيها

و الميسرة اطويها

و ايتامج اروايها

لو قلتلي اصفيها

عطشانه خل تشبع

يعباس يعباس

*****

اختك يبعد اختك

و بدمي منزلتك

كل عمري ما عفتك

كافلي و كافلتك

وين امشي لو شفتك

عالغبرة و مقطع

يعباس يعباس

*****

يا خويه تدريني

محد يلاقيني

لاكن امر ديني

عالثره تشوفيني

صوتج يحاجيني

يا خويه قوم اطلع

يعباس يعباس

*****

عباس رد لينه

ضربوا تره سكينه

اسره تسمينه

بالدمه تحنينه

وين الاخو وينه

وانه ادري بالمصرع

يعباس يعباس

*****

يا بت علي احساسي

انتي بهوه انفاسي

من صحتي عباسي

غيرة اشتعل راسي

بيج الزمن قاسي

صحتيلي يالمفزع

يعباس يعباس

*****

يا صاحب الراية

يالقد الحجاية

يالبيك الكفايه

يا وفي الوفايه

بعدك محنايه

بموعي و اتودع

يعباس يعباس

*****

مولاتي يا اختي

يالمثل والدتي

يا ماي البقصتي

يالجبتج ابختي

اذكر لمن قلتي

للباري بس اركع

يعباس يعباس

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x